Adani Group: అదానీకి ఆనందం.. నిమిషాల్లో లక్ష కోట్లు పెరిగిన కంపెనీ లాభం!

Adani Group: అమెరికా అధ్యక్షుడు డోనాల్డ్ ట్రంప్ భారతదేశంపై సుంకాల తగ్గింపు ప్రకటనకు స్టాక్ మార్కెట్ నుంచి సానుకూల స్పందన వచ్చింది. ట్రంప్ ప్రకటన తర్వాత స్టాక్ మార్కెట్ లాభాల బాటలో దూసుకుపోయింది. దీంతో అదానీ గ్రూప్ షేర్లు భారీగా పెరిగాయి. అదానీ ఎంటర్‌ప్రైజెస్ నుంచి సంఘి ఇండస్ట్రీస్ వరకు గ్రూప్‌లోని 10 కంపెనీల షేర్లు అనూహ్యంగా పెరిగాయి. కేవలం ఒక్క రోజులో వాటి విలువలు రూ.1 లక్ష కోట్లకు పైగా దూసుకుపోయాయి. అమెరికా నుంచి చాలా ప్రతికూల వార్తలు రావడంతో ఇటీవల కాలంలో అదానీ గ్రూప్ కంపెనీల షేర్లపై ఒత్తిడి కనిపించింది. కానీ అమెరికా అధ్యక్షుడు వాణిజ్య ఒప్పందం, సుంకాల తగ్గింపు ప్రకటన తర్వాత, అదానీ గ్రూప్ కంపెనీ షేర్లలో గణనీయమైన పెరుగుదల కనిపించింది. ఈ రోజు మధ్యాహ్నం 1:50 గంటలకు కంపెనీ షేర్లు 3% నుంచి 10% మధ్య ఎక్కువగా ట్రేడ్ అయ్యాయి. అదానీ ఎంటర్‌ప్రైజెస్, పోర్ట్, ఇంధన కంపెనీల విలువలు ఎంత పెరిగాయో తెలుసుకుందాం.

READ ALSO: Google Search యూజర్లు అలర్ట్..! సెర్చ్‌ ఇంజిన్ లో పొంచి ఉన్న ముప్పు.. సేఫ్‌గా ఉండండి ఇలా.!

అదానీ గ్రూప్ కంపెనీల విలువలో భారీ పెరుగుదల..

* మంగళవారం ఒక్కరోజే అదానీ ఎంటర్‌ప్రైజెస్ వాల్యుయేషన్ రూ.27,388.71 కోట్లు పెరిగింది. దాని మార్కెట్ వాల్యుయేషన్ రూ.2,30,224.42 కోట్ల నుంచి రూ.2,57,613.13 కోట్లకు చేరుకుంది.

* అదానీ పోర్ట్స్ & SEZ వాల్యుయేషన్ ఈ రోజు రూ.11,416.12 కోట్లకు చేరుకుంది. అలాగే మార్కెట్ వాల్యుయేషన్ రూ.3,39,833.96 కోట్ల నుంచి రూ.3,51,250.08 కోట్లకు చేరుకుంది.

* అదానీ పవర్ వాల్యుయేషన్ రూ.27,866.38 కోట్లు పెరిగింది. ఈ రోజు కంపెనీ వాల్యుయేషన్ రూ.2,59,475.57 కోట్ల నుంచి రూ.2,87,341.95 కోట్లకు దూసుకుపోయింది.

* అదానీ ఎనర్జీ సొల్యూషన్స్ ఈ రోజు రూ.11,880.68 కోట్లు పెరిగి, దాని వాల్యుయేషన్ రూ.1,06,211.40 కోట్ల నుంచి రూ.1,18,092.08 కోట్లకు చేరుకుంది.

* అదానీ గ్రీన్ ఎనర్జీ విషయానికి వస్తే, కేవలం ఈ ఒక్కరోజే కంపెనీ వాల్యుయేషన్ రూ.17,880.1 కోట్లు పెరిగి, దాని వాల్యుయేషన్ రూ.1,38,824 కోట్ల నుంచి రూ.1,56,704.10 కోట్లకు చేరుకుంది.

* అదానీ టోటల్ గ్యాస్ వాల్యుయేషన్ రూ.4,316.76 కోట్లు పెరిగి, దాని పూర్తి వాల్యుయేషన్ రూ.57,063.64 కోట్ల నుంచి రూ.61,380.40 కోట్లకు చేరువ అయ్యింది.

* సిమెంట్ కంపెనీ ACC వాల్యుయేషన్ రూ.968.98 కోట్లు పెరిగి రూ.30,719.18 కోట్ల నుంచి రూ.31,688.16 కోట్లకు దూసుకుపోయింది.

* దేశంలోనే అతిపెద్ద సిమెంట్ కంపెనీ అయిన అంబుజా సిమెంట్స్ వాల్యుయేషన్ మంగళవారం రూ.7,390.75 కోట్లు పెరిగి, దాని వాల్యుయేషన్ రూ.1,26,223.66 కోట్ల నుంచి రూ.1,33,614.41 కోట్లకు చేరుకుంది.

* మంగళవారం NDTV వాల్యుయేషన్ రూ.55.51 కోట్లు పెరిగి, రూ.913.76 కోట్ల నుంచి రూ.969.27 కోట్లకు చేరువ అయ్యింది.

* మంగళవారం సిమెంట్ కంపెనీ సంఘి ఇండస్ట్రీస్ వాల్యుయేషన్ రూ.98.16 కోట్లు పెరిగి, రూ.1,555.64 కోట్ల నుంచి రూ.1,653.80 కోట్లకు చేరుకుంది.

అదానీ గ్రూప్ మొత్తం విలువ ఎంత పెరిగిందంటే..
అదానీ గ్రూప్‌లోని మొత్తం అన్ని కంపెనీల వాల్యుయేషన్ పెరుగుదలను గమనిస్తే, గ్రూప్ మొత్తం వాల్యుయేషన్ కేవలం ఒక్క రోజులోనే రూ.1 లక్ష కోట్లకు పైగా పెరిగింది. ఈ 10 అదానీ గ్రూప్ కంపెనీల మొత్తం వాల్యుయేషన్ సోమవారం రూ.12,91,045.23 కోట్లుగా ఉండగా, మంగళవారం ట్రేడింగ్ సెషన్‌లో రూ.14,00,307.38 కోట్లకు పెరిగింది. అంటే కేవలం మంగళవారం ట్రేడింగ్ సెషన్‌లోనే అదానీ గ్రూప్ వాల్యుయేషన్ రూ.1,09,262.15 కోట్లు పెరిగింది.

READ ALSO: Holi Gift: సామాన్యులకు జాక్ పాట్! ఇంటింటికీ ఉచితంగా గ్యాస్ సిలిండర్..