Saibaba Puja: గురువారం సాయి బాబాను ఇలా పూజిస్తే కష్టాలు తొలగిపోతాయి..

గురువారం బాబాకు పూజించడం వల్ల కష్టాలు తొలగిపోతాయని జనాలు నమ్ముతుంటారు.. గురువారం రోజున సాయిబాబాను నిష్కళంకమైన భక్తితో పూజించి, ఉపవాసం ఉన్నవారికి కోరిన కోర్కెలు నెరవేరుతాయని విశ్వాసం..సాయిబాబా మహిమ వల్ల సంతానం లేని దంపతులకు కూడా సంతానం కలుగుతుందని నమ్మకం. సాయిబాబా వ్రతాన్ని ఎవరైనా చేయవచ్చు. అయితే ఈ పూజా నియమాలను పాటించడం తప్పనిసరి. గురువారం సాయిబాబాను ఆరాధించే నియమాలు , ఆచారాల గురించి తెలుసుకుందాం..

ఎలా ఉపవాసం ఉండాలంటే?

గురువారం ఉపవాసం ఉండటం మంచిది..ఉపవాసం రోజు ప్రశాంతంగా ఉండండి , ఎవరి గురించి చెడుగా భావించకండి లేదా మరొకరి గురించి చెడుగా మాట్లాడకండి. సాయిబాబా పూజ, ఉపవాసం ఉన్నప్పుడు నీరు తీసుకోకుండా ఉపవాసం ఉండాలనే నియమం లేదు. మీరు ఒక సమయంలో పండు లేదా ఒక భోజనం తినడం ద్వారా ఈ ఉపవాసాన్ని పాటించవచ్చు. ఉపవాస సమయంలో బాబాకు సమర్పించే ప్రసాదాన్ని పంచిపెట్టి తీసుకోవాలి.. పూజకు ధూపం, దీపం, సాయిబాబా విగ్రహం, చందనం, పసుపు పువ్వులు, నెయ్యి దీపం, పసుపు వస్త్రం, పంచామృతం, ప్రసాదం, పండ్లు మొదలైనవి అవసరం.. హారతి ఇవ్వడం మర్చిపోకండి…

గురువారం తెల్లవారుజామున నిద్రలేచి స్నానం చేసి ధ్యానం చేయండి. అప్పుడు శుభ్రమైన బట్టలు ధరించండి. తర్వాత సాయిబాబా విగ్రహానికి పంచామృతంతో అభిషేకం చేయండి. దీని తర్వాత సాయిబాబాను ఆరాధిస్తూ ఉపవాసం పాటించండి. పూజ ప్రారంభించే ముందు సాయిబాబా విగ్రహం కింద శుభ్రమైన పసుపు వస్త్రాన్ని పరచి ఉంచండి. సాయిబాబా విగ్రహం ముందు దీపం, అగరుబత్తీలు , ధూపం వెలిగించండి.సాయిబాబాకు చందనం లేదా కుంకుమ తిలకం వేయండి.అలాగే సాయి వ్రత కథ చదవండి , సాయి చాలీసా చదవండి.సాయిబాబా పూజ ముగింపులో బాబాకు ఆరతి ఇవ్వడం మర్చిపోకండి.. అందరికీ ప్రసాదం పంచండి.. పది మందికి మీకు వీలైనంతలో దానం చెయ్యండి.. బాబా అనుగ్రహం ఎప్పుడు ఉంటుంది..