Koti Deepotsavam 2023 9th Day: ఘనంగా శ్రీ సత్యనారాయణస్వామి వ్రతం, అన్నవరం శ్రీసత్యదేవుని కల్యాణం..

Koti Deepotsavam 2023 9th Day: దీపయజ్ఞం కోటిదీపోత్సవం కన్నులపండుగా సాగుతోంది.. ఈ నెల 14వ తేదీన ప్రారంభమైన దీపయజ్ఞం కోటిదీపోత్సవం తొమ్మిదో రోజు కార్యక్రమాలు అంగరంగ వైభవంగా జరిగాయి. ‘దీపం జ్యోతిః పరంబ్రహ్మ.. దీపం సర్వతమోపహం.. దీపేన సాధ్యతే సర్వం.. సంధ్యాదీప నమోస్తుతే..” అంటారు.. ఒక దీపమే మరో దీపాన్ని వెలిగిచ గలదు.. దీపం పక్కనే దీపాన్ని వెలిగిస్తే ఆ దీపాల వరుసకు లోకమంతా వెలుగులమయం అవుతుంది.. అదే ఒకే చోట కోటి దీపాలను వెలిగించి.. ఉత్సవాన్ని నిర్వహిస్తూ వస్తోంది ఎన్టీవీ, భక్తి టీవీ, వనిత టీవీ.. లక్ష దీపాలతో ప్రారంభమైన ఈ మహా యజ్ఞం కోటికి చేరుకుని.. తెలుగు రాష్ట్రాలలోని భక్తుల నుంచి నీరాజనాలు అందుకుంటుంది.

RS Praveen Kumar: బీఎస్పీకి తెలంగాణలో డబుల్‌ డిజిట్‌ పక్కా..

కోటిదీపోత్సవంలో 9వ రోజు విశేష కార్యక్రమాలు చేపట్టారు. మొదటగా శ్రీ వేంకటేశ్వరస్వామికి మహాభిషేకం.. ఆ తర్వాత భక్తులే ఆచరించి తరించేలా అన్నవరం ఆలయ అర్చకులచే శ్రీ సత్యనారాయణస్వామి వ్రతం, అన్నవరం శ్రీసత్యదేవుని కల్యాణం, స్వామి, అమ్మవార్లకు గరుడ సేవ, కంచి కామాక్షి, కొల్హాపూర్‌ మహాలక్ష్మి దర్శనభాగ్యం, కేరళకాసరగోడ్‌ యడనీరు మఠం శ్రీసచ్చిదానంద భారతిస్వామి అనుగ్రభాషణం, బ్రహ్మశ్రీ మాడుగుల నాగఫణిశర్మ ప్రవచనామృతం, అద్వితీయ భక్తినీరాజనాలు కార్యక్రమాలు నిర్వహించారు.

Akkineni Naga Chaitanya: ఈ ఏడాది నా బర్త్ డే చాలా స్పెషల్.. ఎందుకంటే ..?

భక్తి టీవీ కోటిదీపోత్సవ వేదిక ఇలా ఎన్నో విశేష కార్యక్రమాలకు ఈ రోజు వేదిక అయింది.. ఈ దీపయజ్ఞంలో పాల్గొనే భక్తులకు పూజాసామగ్రి, దీపారాధన వస్తువులను రచనా టెలివిజన్‌ ప్రైవేట్‌ లిమిటెడ్‌ ఉచితంగా అందజేస్తోంది.. హైదరాబాద్‌లోని ఎన్టీఆర్‌ స్టేడియం వేదికగా సాయంత్రం 5.30 గంటలకు ప్రారంభం కానున్న కోటిదీపోత్సవంలో పాల్గొనాల్సిందిగా ఆహ్వానం పలుకుతున్నాం..