దేశీయ ద్విచక్ర వాహన తయారీ సంస్థ TVS మోటార్ కంపెనీ తన ప్రముఖ స్పోర్టీ స్కూటర్ TVS NTORQ 125కు కొత్త అప్డేట్లను తీసుకొచ్చింది. యువతను మరింత ఆకట్టుకునేలా డిస్క్, రేస్ ఎడిషన్ వేరియంట్లలో కొత్త రంగులు, స్పోర్టీ గ్రాఫిక్స్ను పరిచయం చేసింది. స్టైలిష్ డిజైన్తో పాటు ఇప్పటికే ఉన్న శక్తివంతమైన పనితీరు, స్మార్ట్ ఫీచర్లను కొనసాగిస్తూ ఈ స్కూటర్ మార్కెట్లోకి వచ్చింది.
రేస్ ఎడిషన్లో కొత్త కలర్స్
TVS NTORQ 125 రేస్ ఎడిషన్ ఇప్పుడు మూడు కొత్త ఆకర్షణీయమైన రంగుల్లో అందుబాటులోకి వచ్చింది. డ్రిఫ్ట్ బ్లూ, ఇన్ఫెర్నో రెడ్, రష్ గ్రీన్. ఈ కొత్త కలర్ కాంబినేషన్తో పాటు కలర్ అల్లాయ్ వీల్స్ను కూడా అందించారు. దీంతో స్కూటర్ మరింత స్పోర్టీ లుక్ను సొంతం చేసుకుంది. TVS రేసింగ్ వారసత్వాన్ని ప్రతిబింబించేలా ఈ డిజైన్ రూపొందించారు.
డిస్క్ వేరియంట్కు కొత్త లుక్
డిస్క్ వేరియంట్లో కూడా రెండు కొత్త రంగులను పరిచయం చేశారు. మిడ్నైట్ బ్లాక్, స్పితి వైట్. అలాగే ఇప్పటికే ఉన్న నార్డో గ్రే కలర్కు కొత్త గ్రాఫిక్స్ను జోడించి మరింత ఆకర్షణీయంగా తీర్చిదిద్దారు.
SmartXonnectతో స్మార్ట్ రైడింగ్
TVS NTORQ 125లో కంపెనీ తన SmartXonnect Bluetooth Connectivity ఫీచర్ను కొనసాగించింది. దీని ద్వారా రైడర్లు.. కాల్ అలర్ట్స్, SMS నోటిఫికేషన్లు, టర్న్-బై-టర్న్ నావిగేషన్, ట్రిప్ వివరాలు, రైడింగ్ స్టాటిస్టిక్స్ వంటి అనేక స్మార్ట్ ఫీచర్లను ఉపయోగించుకోవచ్చు. అదనంగా పూర్తిస్థాయి డిజిటల్ RLCD ఇన్స్ట్రుమెంట్ క్లస్టర్ కూడా అందుబాటులో ఉంటుంది.
ఇంజిన్, పనితీరు
స్కూటర్లో ఎలాంటి మెకానికల్ మార్పులు చేయలేదు. ఇందులో.. 124.8cc సింగిల్ సిలిండర్ ఇంజిన్, CVTi-Revv టెక్నాలజీ శక్తివంతమైన యాక్సిలరేషన్ నగర ప్రయాణాలకు అనువైన పనితీరు అందుబాటులో ఉన్నాయి.
ధరలు
కొత్త TVS NTORQ 125 వేరియంట్ల ఎక్స్-షోరూమ్ ధరలు.. NTORQ 125 Disc -రూ.82,500 నుంచి, NTORQ 125 Race Edition రూ.87,950 నుంచి ఈ కొత్త మోడళ్లు దేశవ్యాప్తంగా ఉన్న TVS డీలర్షిప్లలో అందుబాటులో ఉన్నాయి.
యువత కోసం ప్రత్యేక ఆకర్షణ
2026 ప్రపంచకప్ నేపథ్యంలో అర్జెంటీనా ఫుట్బాల్ అసోసియేషన్తో TVS భాగస్వామ్యం కూడా NTORQ బ్రాండ్కు మరింత క్రేజ్ తీసుకొచ్చింది. స్పోర్టీ డిజైన్, స్మార్ట్ టెక్నాలజీ, ఆకర్షణీయమైన కలర్స్ కారణంగా యువతలో ఈ స్కూటర్కు మంచి ఆదరణ లభించే అవకాశముంది.