Toyota Urban Cruiser EV: భారత మార్కెట్లోకి టయోటా అర్బన్ క్రూయిజర్ ఎబెల్లా EV.. 543KM రేంజ్! ధర, ఫీచర్లు, పూర్తి వివరాలు
- టయోటా అర్బన్ క్రూయిజర్ ఎబెల్లా EV
- 543KM రేంజ్
- ఈ ఎలక్ట్రిక్ SUV టాప్-స్పెక్ E3 వేరియంట్ ధర రూ.23.60 లక్షలు (ఎక్స్-షోరూమ్)
- Follow Us :
-
-
Add as a preferred
source on google
Toyota Kirloskar Motor భారత మార్కెట్లో తన తొలి పూర్తి ఎలక్ట్రిక్ SUV అయిన Toyota Urban Cruiser EV ను విడుదల చేసింది. “అర్బన్ క్రూయిజర్ ఎబెల్లా EV” పేరుతో వచ్చిన ఈ మోడల్ మధ్యతరహా ఎలక్ట్రిక్ SUV విభాగంలో కంపెనీకి కొత్త గుర్తింపును తీసుకురానుంది. ఈ ఎలక్ట్రిక్ SUV టాప్-స్పెక్ E3 వేరియంట్ ధర రూ.23.60 లక్షలు (ఎక్స్-షోరూమ్)గా నిర్ణయించారు. ఇది Maruti Suzuki రూపొందించిన ఇ-విటారా ప్లాట్‌ఫామ్ ఆధారంగా అభివృద్ధి చేశారు.
ఆకట్టుకునే ఎక్స్‌టీరియర్ డిజైన్
అర్బన్ క్రూయిజర్ ఎబెల్లా పరిమాణ పరంగా ఇ-విటారాను పోలి ఉన్నప్పటికీ, టయోటా ప్రత్యేక డిజైన్ టచ్‌ను కలిగి ఉంది. ముందుభాగంలో స్టైలిష్ గ్రిల్, చెక్కినట్లుగా కనిపించే హుడ్, సైడ్ క్యారెక్టర్ లైన్స్ ఈ SUVకు ప్రీమియం లుక్‌ను అందిస్తున్నాయి. ఈ SUV వీల్‌బేస్ 2700mm కాగా, పొడవు 4,285mm, వెడల్పు 1,800mm, ఎత్తు సుమారు 1,640mmగా ఉంది.
ఆకర్షణీయమైన కలర్ ఆప్షన్స్
ఈ ఎలక్ట్రిక్ SUV కేఫ్ వైట్, బ్లూయిష్ బ్లాక్, గేమింగ్ గ్రే, స్పోర్టిన్ రెడ్, ఎంటైసింగ్ సిల్వర్ వంటి మోనోటోన్ కలర్ ఆప్షన్లలో అందుబాటులో ఉంటుంది. అలాగే, కేఫ్ వైట్, ల్యాండ్ బ్రీజ్ గ్రీన్, స్పోర్టిన్ రెడ్, ఎంటైసింగ్ సిల్వర్ డ్యూయల్-టోన్ వేరియంట్లు కూడా అందుబాటులో ఉన్నాయి. ఈ డ్యూయల్-టోన్ మోడళ్లలో బ్లాక్ కలర్ రూఫ్ ప్రత్యేక ఆకర్షణగా నిలుస్తుంది.
ప్రీమియం క్యాబిన్, ఆధునిక ఫీచర్లు
క్యాబిన్‌లో బ్లాక్-బ్రౌన్ డ్యూయల్-టోన్ ఇంటీరియర్‌ను అందించారు. డాష్‌బోర్డ్ డిజైన్ Maruti e Vitara ను పోలి ఉంటుంది. ఈ SUVలో పానోరమిక్ సన్‌రూఫ్, 10.1 అంగుళాల ఇన్ఫోటైన్‌మెంట్ టచ్‌స్క్రీన్, వెంటిలేటెడ్ సీట్లు, వైర్‌లెస్ ఛార్జింగ్ ప్యాడ్, JBL సౌండ్ సిస్టమ్, యాంబియంట్ లైటింగ్, డయల్-టైప్ గేర్ షిఫ్ట్, ఎయిర్ ప్యూరిఫైయర్, ఆటో క్లైమేట్ కంట్రోల్ వంటి ప్రీమియం ఫీచర్లు ఉన్నాయి.
భద్రతకు పెద్దపీట
భద్రత పరంగా కూడా ఈ ఎలక్ట్రిక్ SUVలో అనేక ఆధునిక ఫీచర్లను అందించారు. ఇందులో 7 ఎయిర్‌బ్యాగ్‌లు, 360-డిగ్రీ కెమెరా, లెవెల్-2 ADAS వంటి సేఫ్టీ టెక్నాలజీలు ఉన్నాయి. టాప్-ఎండ్ E3 వేరియంట్‌లో 61kWh బ్యాటరీ ప్యాక్‌ను అందించారు. ఈ ఎలక్ట్రిక్ SUV 171hp పవర్, 193Nm పీక్ టార్క్‌ను ఉత్పత్తి చేస్తుంది. ఒక్కసారి పూర్తి ఛార్జ్ చేస్తే ఈ కారు సుమారు 543 కిలోమీటర్ల డ్రైవింగ్ రేంజ్‌ను అందిస్తుందని కంపెనీ వెల్లడించింది.