Mercedes-Benz AMG E 53: మెర్సిడెస్ బెంజ్ AMG E 53 విడుదల.. 3.8 సెకన్లలో 100 kmph స్పీడ్.. ధర ఎంతంటే?

జర్మన్ లగ్జరీ కార్ల తయారీ సంస్థ మెర్సిడెస్-బెంజ్ భారత మార్కెట్లో తన కొత్త హై-పర్ఫార్మెన్స్ సెడాన్ Mercedes-Benz AMG E 53ను అధికారికంగా విడుదల చేసింది. స్పోర్టీ డిజైన్, శక్తివంతమైన ప్లగ్-ఇన్ హైబ్రిడ్ ఇంజిన్, అత్యాధునిక టెక్నాలజీ ఫీచర్లతో ఈ లగ్జరీ సెడాన్ ప్రీమియం కార్ల విభాగంలో కొత్త ప్రమాణాలను నెలకొల్పనుంది. 585 హార్స్‌పవర్ ఇంజిన్, కేవలం 3.8 సెకన్లలో 0-100 kmph వేగాన్ని అందుకునే సామర్థ్యంతో ఈ కారు పనితీరు ప్రేమికులను ఆకట్టుకుంటోంది.

Mercedes-Benz AMG E 53 ధర

భారత మార్కెట్లో Mercedes-Benz AMG E 53ను కంపెనీ రూ.1.45 కోట్లు (ఎక్స్-షోరూమ్) ప్రారంభ ధరతో విడుదల చేసింది. సాధారణ E-Classతో పోలిస్తే AMG E 53 మరింత ఆకర్షణీయమైన స్పోర్టీ డిజైన్‌ను కలిగి ఉంది. ఈ కారులో అందించిన ముఖ్యమైన ఫీచర్లు.. LED హెడ్‌ల్యాంప్స్, LED డేటైమ్ రన్నింగ్ లైట్స్ (DRLs), AMG స్టైల్ ఫ్రంట్ గ్రిల్, బూట్ లిడ్ స్పాయిలర్, 20-అంగుళాల అల్లాయ్ వీల్స్, 12.3-అంగుళాల డిజిటల్ ఇన్‌స్ట్రుమెంట్ క్లస్టర్.

14.4-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, Burmester, ప్రీమియం ఆడియో సిస్టమ్, యాంబియంట్ లైటింగ్, పనోరమిక్ సన్‌రూఫ్, వైర్‌లెస్ ఫోన్ ఛార్జింగ్, Android Auto & Apple CarPlay, 360-డిగ్రీ కెమెరా. Mercedes-Benz AMG E 53లో 3.0-లీటర్ ప్లగ్-ఇన్ హైబ్రిడ్ పెట్రోల్ ఇంజిన్ ను అందించారు. ఈ ఇంజిన్ 585 హార్స్‌పవర్, 750 Nm టార్క్ ఉత్పత్తి చేస్తుంది. ఇంజిన్‌కు 9-స్పీడ్ ఆటోమేటిక్ ట్రాన్స్‌మిషన్ను జత చేశారు. అలాగే 4MATIC ఆల్-వీల్ డ్రైవ్ (AWD) సిస్టమ్‌ను కూడా అందించారు.

కేవలం 3.8 సెకన్లలో 100 kmph

AMG Performance Plus ప్యాకేజీతో ఈ కారు గరిష్టంగా 612 హార్స్‌పవర్ వరకు శక్తిని అందిస్తుంది. దీంతో 0-100 kmph వేగం – కేవలం 3.8 సెకన్లు
గరిష్ట వేగం – 280 kmph అందుకోగలదు. శక్తివంతమైన ప్లగ్-ఇన్ హైబ్రిడ్ ఇంజిన్, అద్భుతమైన స్పోర్టీ డిజైన్, అత్యాధునిక టెక్నాలజీ ఫీచర్లు, 3.8 సెకన్లలో 100 kmph వేగాన్ని అందుకునే పనితీరుతో Mercedes-Benz AMG E 53 భారత మార్కెట్లో ప్రీమియం స్పోర్ట్స్ సెడాన్ విభాగంలో బలమైన పోటీదారుగా నిలవనుంది. అధిక పనితీరు, లగ్జరీ, ఆధునిక ఫీచర్లను కోరుకునే కస్టమర్లకు ఇది ఆకర్షణీయమైన ఎంపికగా ఉండనుంది.