Mahindra BE 6 Formula E Freedom Edition: ‘Revive’ ఎమర్జెన్సీ ఫీచర్ తో.. మహీంద్రా BE 6 ఫార్ములా ఈ ఎడిషన్ రిలీజ్

మహీంద్రా కొత్తగా రీడిజైన్ చేసిన BE 6 SPORTEQ ఎలక్ట్రిక్ SUV లైనప్‌లో భాగంగా Formula E Freedom Editionను విడుదల చేసింది. ఈ ప్రత్యేక ఎడిషన్ రెండు వేరియంట్లలో అందుబాటులో ఉంది. FE వేరియంట్ ధర రూ.24.45 లక్షలు, FE Four ధర రూ.26.95 లక్షలు (రెండూ ఎక్స్-షోరూమ్)గా ఉన్నాయి. ఈ ఎడిషన్‌లో ప్రత్యేక డిజైన్, ప్రీమియం ఇంటీరియర్, అధునాతన కనెక్టెడ్-కార్ ఫీచర్లు, 79kWh బ్యాటరీ, 683 కిలోమీటర్ల వరకు MIDC రేంజ్ వంటి ఆకర్షణీయమైన ఫీచర్లు ఉన్నాయి.

Formula E Freedom Edition డిజైన్

BE 6 SPORTEQ Formula E Freedom Edition డిజైన్‌ను స్టాండర్డ్ BE 6 SPORTEQకు దగ్గరగా ఉంచారు. ఇందులో C-ఆకారపు ముందు, వెనుక DRLలు, సొగసైన బంపర్లు ఉన్నాయి. ముందు ఫెండర్లపై ప్రత్యేకమైన Formula E బ్యాడ్జింగ్ ఉంటుంది. అలాగే కొత్త Rosso Impulso కలర్ ఆప్షన్‌తో పాటు బాడీ అంతటా మూడు రంగుల డీకాల్స్‌ను అందిస్తున్నారు.

ప్రత్యేకమైన ఇంటీరియర్

ఇంటీరియర్ లేఅవుట్‌లో పెద్దగా మార్పులు చేయలేదు. ఇందులో Firestorm Orange కలర్ థీమ్, లెదరెట్, స్యూడ్ అప్‌హోల్స్టరీ, ప్రత్యేక Formula E Freedom Edition ప్లేక్ వంటి అంశాలు ఉన్నాయి. పనోరమిక్ గ్లాస్ రూఫ్‌పై కూడా Formula E డీకాల్స్ కనిపిస్తాయి. అదనంగా, డ్రైవింగ్ అనుభూతిని మరింత ప్రత్యేకంగా మార్చేందుకు వర్చువల్ ఇంజిన్ సౌండ్‌లు అందిస్తున్నారు.

ట్రిపుల్ స్క్రీన్‌కు బదులుగా సింగిల్ డిస్‌ప్లే

BE 6 SPORTEQలోని కొన్ని వేరియంట్లలో కనిపించే ట్రిపుల్-స్క్రీన్ సెటప్‌కు భిన్నంగా Formula E Freedom Editionలో ప్రత్యేకమైన డాష్‌బోర్డ్ డిజైన్ ఉంది. డ్రైవర్, కో-డ్రైవర్ ప్రాంతాలను వేరు చేసే హాలో తరహా లూప్ డిజైన్ ఇందులో కనిపిస్తుంది. దీనితో పాటు 12.3-అంగుళాల సింగిల్ స్క్రీన్ ప్రధాన డిస్‌ప్లేగా ఉంటుంది.

ఫీచర్లకు కొదవ లేదు

16-స్పీకర్ Harman Kardon ఆడియో సిస్టమ్
డ్యూయల్-జోన్ క్లైమేట్ కంట్రోల్
వైర్‌లెస్ ఛార్జింగ్
వెంటిలేటెడ్ ఫ్రంట్ సీట్లు
యాంబియంట్ లైటింగ్
540-డిగ్రీ కెమెరా
Level-2 ADAS
పవర్డ్ డ్రైవర్ సీటు
Google Gemini ఇంటిగ్రేషన్
గేమింగ్, కరోకే సూట్
ఆటో-డిటెక్షన్‌తో యూజర్ ప్రొఫైల్స్
కస్టమ్ డ్రైవ్ మోడ్‌లు

‘Revive’ ఫీచర్

ఈ కారులోని ప్రత్యేక ఫీచర్లలో Revive ఒకటి. బ్యాటరీ 0 శాతానికి చేరుకున్నప్పుడు సమీప ఛార్జింగ్ స్టేషన్‌కు చేరుకునేందుకు కొంత అదనపు రేంజ్‌ను అందించేందుకు ఈ ఎమర్జెన్సీ ఫీచర్ ఉపయోగపడుతుంది. అయితే ఇది సాధారణ డ్రైవింగ్ ఫీచర్ కాదు. అత్యవసర పరిస్థితుల్లో మాత్రమే ఉపయోగించేందుకు రూపొందించారు. వాహనం జీవితకాలంలో ఈ ఫీచర్‌ను గరిష్ఠంగా ఐదు సార్లు ఉపయోగించుకునే అవకాశం ఉంటుంది.

79kWh బ్యాటరీ.. 683 కిమీ రేంజ్

Formula E Freedom Editionలో టాప్-స్పెక్ 79kWh బ్యాటరీ ప్యాక్ మాత్రమే అందుబాటులో ఉంటుంది. దీనికి రియర్-మౌంటెడ్ ఎలక్ట్రిక్ మోటార్ ఉంటుంది. ఈ మోటార్.. 286hp పవర్, 380Nm టార్క్ ఉత్పత్తి చేస్తుంది. అదనంగా అడాప్టివ్ సస్పెన్షన్ కూడా అందుబాటులో ఉంటుంది. MIDC సర్టిఫికేషన్ ప్రకారం ఈ SUV 683 కిలోమీటర్ల వరకు రేంజ్ అందిస్తుంది.

20 నిమిషాల్లో 20 నుంచి 80 శాతం ఛార్జింగ్

ఛార్జింగ్ పరంగా కూడా BE 6 SPORTEQ Formula E Freedom Edition ఆకట్టుకుంటుంది. ఇది 180kW వరకు DC ఫాస్ట్ ఛార్జింగ్కు సపోర్ట్ చేస్తుంది. అనుకూలమైన DC ఫాస్ట్ ఛార్జర్‌తో బ్యాటరీని 20 శాతం నుంచి 80 శాతం వరకు కేవలం 20 నిమిషాల్లో ఛార్జ్ చేయవచ్చు. ఇంటి ఛార్జింగ్ విషయానికి వస్తే, 11.2kW ఛార్జర్‌తో 0 నుంచి 100 శాతం ఛార్జ్ చేయడానికి సుమారు 8.7 గంటలు, 7.2kW ఛార్జర్‌తో సుమారు 11.7 గంటలు పడుతుంది.