Honda Activa H-Smart: మార్కెట్లోకి హోండా యాక్టివా హెచ్-స్మార్ట్..ఫీచర్స్ అదుర్స్

భారత్‌లో టూ వీలర్​ సెగ్మెంట్​లో యాక్టివా​కు ఉన్న డిమాండ్ అంతా ఇంతా కాదు. హోండా టూ వీలర్ మోడల్స్​లో బెస్ట్ సెల్లింగ్‌గా దూసుకెళ్తోంది . కస్టమర్ల ఆసక్తి, అవసరాలకు తగ్గట్టుగా ఎప్పటికప్పుడు.. యాక్టివాను అప్డేట్​ చేస్తూ వస్తోంది హోండా మోటర్​సైకిల్​ అండ్​ స్కూటర్​ ఇండియా (హెచ్​ఎంఎస్​ఐ). ఈ క్రమంలోనే హోండా యాక్టివా 6జీ లేటెస్ట్​ వెర్షన్​.. హోండా యాక్టివా హెచ్​- స్మార్ట్‌ను లాంచ్ చేసింది. మొత్తానికి ఈ​ స్కూటర్​లో మూడు వేరియంట్స్​ ఉంటాయి. అవి.. స్టాండర్డ్​, డీలక్స్​, స్మార్ట్​. వీటి ఎక్స్​షోరూం ధరలు వరుసగా రూ. 74,536- రూ. 77,036- రూ. 80,537. హోండాకు మాత్రమే సొంతమైన ఐదు సరికొత్త టెక్నాలజీ అప్లికేషన్స్​ ఈ స్కూటర్​లో ఉంటాయని తెలుస్తోంది.

Samosa and Tea: మన సమోసా, టీకి యూకేలో ఇంత డిమాండ్‌ ఉందా..? షేర్‌ చేసిన వైసీపీ ఎంపీ

ఈ స్కూటర్​కు ఓ స్మార్ట్​ కీ ఉంటుందని, అది ప్రెస్​ చేస్తే.. వెహికిల్​ రెస్పాండ్​ అయ్యే విధంగా స్మార్ట్​ ఫైండ్​ ఫీచర్ ఈ యాక్టివా హెచ్​- స్మార్ట్​లో ఉందని హెచ్​ఎంఎస్​ఐ చెబుతోంది. ఫిజికల్​ కీ లేకుండానే.. స్మార్ట్​ కీతో స్కూటర్​ను లాక్​, అన్​లాక్​ చేసే ఆప్షన్​ కూడా ఉంది. 2 మీటర్ల దూరంలో ఉన్నప్పుడు.. స్మార్ట్​ కీ ప్రెస్​ చేస్తే.. స్కూటర్​ ఇంజిన్​ స్టార్ట్​ అవుతుంది. వీటితో పాటు ఇంజిన్​ స్టార్ట్​/ స్టాప్​ ఫీచర్​ కూడా స్కూటర్​కు ఇచ్చినట్టు కంపెనీ తెలిపింది. ఈ హోండా యాక్టివా 6జీ లేటెస్ట్​ వర్షెన్​.. యాక్టివా హెచ్​- స్మార్ట్​లో వీల్​బేస్​, ఫుట్​బోర్డ్​ ఏరియా పెద్దగా ఉన్నాయి. న్యూ పాసింగ్​ స్విచ్​, డీసీ ఎల్​ఈడీ హెడ్​ల్యాంప్​ అదనపు ఆకర్షణలు. 12 ఇంచ్​ అల్లాయ్​ వీల్స్​ను కొత్తగా డిజైన్​ చేశారు. టెలిస్కోపిక్​ ఫ్రంట్​ సస్పెన్షన్​, అడ్జస్టెబుల్​ రేర్​ సస్పెన్షన్​ వంటివి కూడా ఉన్నాయి. ఈ కొత్త హోండా యాక్టివాలో 110 సీసీ పీజీఎం-ఎఫ్​ ఇంజిన్​ ఉంటుంది. లీనియర్​ పవర్​ను జనరేట్​ చేసే ఎన్​హాన్స్​డ్​ స్మార్ట్​ పవర్​ టెక్నాలజీ (ఈఎస్​పీ) కూడా ఉంది. ఎన్​హాన్స్​డ్​ స్మార్ట్​ టంబుల్​ టెక్నాలజీ, ఏసీజీ స్టార్ట్​ అండ్​ ఫ్రిక్షన్​ రిడక్షన్​ వంటి టెక్నాలజీలను యాక్టివా హెచ్​- స్మార్ట్​కు ఇచ్చింది హోండా సంస్థ.