Hero Xoom 160: అత్యాధునిక ఫీచర్లతో స్టైలిష్ స్కూటర్‭ను తీసుకొచ్చిన హీరో మోటోకార్ప్

Hero Xoom 160: హీరో మోటోకార్ప్.. ఈ పేరు గురించి ప్రత్యేకంగా పరిచయాలు అవసరం లేదు. టూ-వీలర్ మార్కెట్‌లో ఈ పేరు అందరికీ సుపరిచితమే. ఈ సంస్థ తయారు చేసే వాహనాలకు భారతీయులకు ప్రత్యేక స్థానం ఉంది. ఇకపోతే గత కొద్దిరోజులుగా స్కూటర్ సెగ్మెంట్‌లోనూ హీరో సంస్థ తన ప్రత్యేకతను చూపిస్తోంది. ఇటీవల నిర్వహించిన భారత్ మొబిలిటీ గ్లోబల్ ఎక్స్‌పోలో హీరో జూమ్ 160 (Xoom 160) స్కూటర్‌ను లాంచ్ చేసి అందరి దృష్టిని ఆకర్షించింది. నిజానికి ఈ స్కూటర్ బైక్‌తో పోలిస్తే తక్కువ, కానీ రెగ్యులర్ స్కూటర్ కంటే అధునాతనమైన ఫీచర్లతో మార్కెట్ లోకి రానుంది. ఈ స్కూటర్ అత్యాధునిక డిజైన్, శక్తివంతమైన ఇంజిన్, అనేక ఆధునిక ఫీచర్లతో భారతీయ మార్కెట్లోకి వచ్చేసింది. మరి వాటి విశేషాలేంటో ఒకసారి చూద్దామా..

Also Read: China : డీప్‌సీక్ తర్వాత మరో ఘనత సాధించిన చైనా.. అది ఏంటంటే ?

హీరో జూమ్ 160 స్కూటర్ మోడర్న్ లుక్‌తో ఆకట్టుకుంటుంది. ఇందులో split-LED హెడ్‌లైట్, విండ్ స్క్రీన్ వంటి ఆధునిక డిజైన్ ఎలిమెంట్స్ కలిగి ఉన్నాయి. ఈ స్కూటర్ కాస్ట్ పర్ల్ సమ్మిట్ వైట్ (Cast Pearl Summit White), కాస్ట్ కేనియన్ రెడ్ (Cast Canyon Red), కాస్ట్ వోల్కానిక్ గ్రే (Cast Volcanic Grey), కాస్ట్ మ్యాట్ రైన్ ఫారెస్ట్ గ్రీన్ (Cast Matte Rain Forest Green) అనే నాలుగు కలర్ ఆప్షన్లలో అందుబాటులో ఉండనుంది.

ఈ Xoom 160 స్కూటర్ 156cc సింగిల్-సిలిండర్ పెట్రోల్ ఇంజిన్ తో వస్తుంది. ఇది 14 bhp పవర్, 13.7 Nm టార్క్ ను ఉత్పత్తి చేస్తుంది. ఈ స్కూటర్ సుమారు 40 కేఎంపీఎల్ (kmpl) మైలేజ్ ఇవ్వగలదు. ఈ విషయం కాస్త ఆలోచించాల్సిన అవసరం ఉంది. ఇక ధర విషయానికి వస్తే.. హీరో మోటోకార్ప్ ఈ కొత్త స్కూటర్‌ను రూ.1.48 లక్షల (ఎక్స్-షోరూమ్) ధరకు లాంచ్ చేసింది. ఈ స్కూటర్ పురుషులు, మహిళలు ఇద్దరూ కూడా తమ రోజువారీ ప్రయాణాల కోసం ఉపయోగించుకునేలా రూపొందించారు. ఇక ధర కాస్త ఎక్కువగా కనిపిస్తున్నా.. అందుకు తగ్గట్టుగా ఈ స్కూటర్ పలు అధునాతన ఫీచర్లను కలిగి ఉంది.

ఇక ఈ హీరో జూమ్ 160 స్కూటర్‌లో అనేక ఆధునిక ఫీచర్లు ఉన్నాయి. అందులో ముఖ్యంగా LCD ఇన్స్ట్రుమెంట్ కన్సోల్, స్మార్ట్‌ఫోన్ కనెక్టివిటీ, టర్న్-బై-టర్న్ నావిగేషన్, i3S సిస్టమ్ (Idle Stop-Start Technology), సైలెంట్ స్టార్టర్, కీలెస్ ఇగ్నిషన్, సస్పెన్షన్ & బ్రేకింగ్ సిస్టమ్ లాంటివి ఉన్నాయి. ఈ స్కూటర్ ముందు భాగంలో టెలిస్కోపిక్ ఫోర్క్, వెనుక భాగంలో ట్విన్ షాక్ అబ్జార్బర్స్ సస్పెన్షన్ సిస్టమ్ కలిగి ఉంది. ఈ స్కూటర్ లోని డబుల్ డిస్క్ బ్రేక్స్ తో రైడర్‌కు మెరుగైన కంఫర్ట్, సేఫ్టీని అందిస్తుంది.