ప్రస్తుత రోజుల్లో కారు వినియోగం అనేది సర్వ సాధారణంగా మారింది. ప్రజల ఆదాయం పెరగడంతో పాటు అవసరాలు, తక్కువ సమయంలో గమ్యస్థానాలకు చేరడం కోసం ప్రతి ఒక్కరూ కారును వాడుతున్నారు. మైలేజీ బాగా వచ్చినప్పుడు మనకు ప్రయోజనం కలుగుతుంది. అయితే.. వేసవి కాలం వచ్చిందంటే చాలు కార్లలో మైలేజ్ తగ్గుతుంది. దీంతో వాహన యజమానులు తీవ్ర ఇబ్బందులు ఎదుర్కోవాల్సి వస్తుంది. అయితే.. వేసవిలోనే కారు మైలేజ్ ఎందుకు తగ్గుతుంది.. దాని వెనుక ఉన్న కారణాలు ఏమిటో వివరంగా తెలుసుకుందాం.
Read Also: Tillu Cube: టిల్లు క్యూబ్ డైరెక్టర్ ఫిక్స్!
వేసవిలో కారు మైలేజ్ తగ్గడానికి కారణాలు
ఎయిర్ కండిషనింగ్ యొక్క అధిక వినియోగం
వేసవిలో కారులో ఎయిర్ కండిషనింగ్ (AC) వాడకం పెరుగుతుంది. దీని వల్ల ఇంజిన్‌పై అధిక ఒత్తిడి పడుతుంది. ఏసీ వాడడం వల్ల ఇంజిన్ మరింత శక్తిని తీసుకుంటుంది. ఇది ఇంధన వినియోగాన్ని పెంచి, కారు మైలేజ్‌ను తగ్గిస్తుంది.
ఇంజిన్ వేడెక్కడం
వేసవిలో ఇంజిన్ వేడెక్కడం సాధారణం. అధిక ఉష్ణోగ్రతలలో ఇంజిన్ వేడి అవుతుంది. దీంతో.. ఇంజిన్ కొన్ని భాగాలు శక్తివంతంగా పనిచేసి, వాటిని చల్లగా ఉంచడానికి మరింత శక్తిని ఉపయోగిస్తాయి. ఇది ఇంజిన్ పనితీరును ప్రభావితం చేస్తుంది. ఈ క్రమంలో మరింత ఇంధనం ఉపయోగపడుతుంది.
టైర్లు వేడెక్కడం
వేసవిలో రోడ్డు మాత్రమే కాకుండా టైర్లు కూడా వేడెక్కుతాయి. టైర్లు వేడెక్కినప్పుడు వాటి మధ్య రాపిడి పెరుగుతుంది. ఇది కారు బరువును పెంచి.. ఎక్కువ ఇంధనం వాడుతుంది. టైర్ ప్రెజర్ తగ్గడం కూడా మైలేజ్‌ను తగ్గిస్తుంది.
అతివేగం, ట్రాఫిక్ జామ్‌లు
వేసవిలో ట్రాఫిక్ జామ్‌లు ఎక్కువగా అవుతాయి. దీంతో.. ఇంజిన్ ఎప్పటికీ ఆన్‌లో ఉంచాల్సి వస్తుంది. ఈ క్రమంలో వేడి వాతావరణం కారణంగా కారు నెమ్మదిగా నడిపించడం లేదా తరచుగా ఆపడం వల్ల ఇంధన వినియోగాన్ని పెంచి మైలేజ్‌ను తగ్గిస్తుంది.
ఎయిర్ ఫిల్టర్ త్వరగా మురికిగా మారడం
వేసవిలో దుమ్ము మరియు ధూళి ఎక్కువగా ఉంటుంది. దీనివల్ల ఎయిర్ ఫిల్టర్ త్వరగా మురికిగా మారుతుంది. ఫిల్టర్ మురికిగా ఉన్నప్పుడు ఇంజిన్ సరైన గాలిని పొందలేకపోతుంది. ఇది ఇంజిన్ పనితీరును ప్రభావితం చేస్తుంది. దీంతో ఇంధనం ఎక్కువగా వినియోగించబడుతుంది.. ఫలితంగా మైలేజ్ తగ్గుతుంది.