పోలవరం ప్రాజెక్ట్ స్పిల్ వే నుంచి నేడు గోదావరి నీటి విడుదల

పోలవరం ప్రాజెక్టులో నేడు ఓ మైలురాయిగా మిగిలిపోనుంది. పోలవరం ప్రాజెక్ట్ స్పిల్ వే నుంచి నేడు దిగువకు గోదావరి నీటి విడుదల చేయనున్నారు. ప్రాజెక్ట్ నిర్మాణం కోసం గోదావరి నదిలో ప్రవాహానికి అడ్డుకట్ట అప్పర్ కాఫర్ డ్యాం నిర్మాణం పూర్తి అయ్యింది. స్పిల్ వే మీదుగా నీటిని దిగువకు విడుదల చేయనున్నారు. కాఫర్ డ్యాం బ్యాక్ వాటర్ తో ముంపు గ్రామాలకు వరద భయం ఉంది. దాంతో ముంపు గ్రామాల నిర్వాసితులు గ్రామాలు ఖాళీచేస్తున్నారు. ఈరోజు అప్రోచ్ చానెల్ ద్వారా స్పిల్ వే ద్వారా డెల్టాకు నీటిని విడుదల చేయనున్నారు. వర్చువల్ ద్వారా ఈ కార్యక్రమంలో మంత్రులు అనిల్ కుమార్ యాదవ్,ఆళ్ల నాని పాల్గొననున్నారు. ఈ వరద సీజన్ లో గోదావరి వరదను స్పిల్ వే ద్వారానే మళ్లించడానికి ఏర్పాట్లు చేసారు. అప్రోచ్ ఛానెల్, స్పిల్ వే గేట్ల ఏర్పాటు, పైలెట్ ఛానెల్ పనులు వేగవంతగా పూర్తి చేసారు.