Deputy CM Pawan Kalyan: పవన్ కల్యాణ్ చొరవ.. కొణిదెల గ్రామానికి మహర్దశ
- Follow Us :
-
-
Add as a preferred
source on google
Deputy CM Pawan Kalyan: కూటమి ప్రభుత్వం అధికారంలోకి వచ్చిన తర్వాత ఆంధ్రప్రదేశ్ ఉప ముఖ్యమంత్రి పవన్ కల్యాణ్ తనదైన శైలిలో పాలన సాగిస్తున్నారు. గతంలో తాను ఇచ్చిన హామీ మేరకు నంద్యాల జిల్లా, నందికొట్కూరు మండలంలోని కొణిదెల గ్రామాన్ని అభివృద్ధి పథంలో నడిపిస్తూ ఆదర్శంగా నిలుస్తున్నారు. గ్రామాన్ని దత్తత తీసుకుంటానని ప్రకటించిన పవన్ కల్యాణ్, ఇప్పుడు కోట్లాది రూపాయల నిధులతో మౌలిక సదుపాయాల కల్పనకు శ్రీకారం చుట్టారు.
సొంత నిధులతో తాగునీటి కష్టాలకు చెక్
కొణిదెల గ్రామంలో దశాబ్దాలుగా వేధిస్తున్న తాగునీటి సమస్యను పరిష్కరించేందుకు పవన్ కల్యాణ్ తన ఉదారతను చాటుకున్నారు. ప్రభుత్వంపై భారం పడకుండా, తన సొంత విరాళం రూ. 50 లక్షలతో అత్యాధునిక ఓవర్ హెడ్ ట్యాంకును నిర్మించారు. ఈ ట్యాంక్ ద్వారా సుమారు 2 వేల మంది గ్రామస్తులకు ప్రతిరోజూ స్వచ్ఛమైన తాగునీరు అందనుంది. ఎండాకాలం ప్రారంభానికి ముందే ఈ పనులు పూర్తి కావడంపై గ్రామ ప్రజలు హర్షం వ్యక్తం చేస్తున్నారు. కేవలం తాగునీరు మాత్రమే కాకుండా, వివిధ ప్రభుత్వ పథకాల ద్వారా గ్రామాభివృద్ధికి పవన్ కల్యాణ్ పెద్దపీట వేశారు. ‘పల్లె పండగ 1.0’, ‘పల్లె పండగ 2.0’, ‘సాస్కీ’ మరియు ‘గ్రామీణ రహదారి అభివృద్ధి సబ్ ప్లాన్’ వంటి పథకాల ద్వారా సుమారు రూ. 6 కోట్లకు పైగా నిధులను గ్రామానికి కేటాయించారు.
ఈ నిధులతో చేపడుతున్న ప్రధాన పనులు ఇవే:
– గ్రామమంతటా సిమెంట్ రోడ్ల నిర్మాణం.
– అత్యాధునిక డ్రైనేజీ వ్యవస్థ మరియు కాలువలు.
– పశువుల సంరక్షణ కోసం గోకులాలు.
– అర్హులైన పేదల కోసం ఇళ్ల నిర్మాణం.
దత్తత హామీ నెరవేరుస్తూ.. మోడల్ విలేజ్‌గా మార్పు
2019 ఎన్నికల సమయంలోనే కొణిదెల గ్రామాన్ని దత్తత తీసుకుంటానని పవన్ కల్యాణ్ ప్రకటించారు. ఇప్పుడు అధికారంలోకి వచ్చాక, రాజకీయాలకు అతీతంగా గ్రామాన్ని ఒక ‘మోడల్ విలేజ్’ (ఆదర్శ గ్రామం)గా తీర్చిదిద్దుతున్నారు. గ్రామస్తులు కోరిన ప్రతి అభివృద్ధి పనిని ప్రాధాన్యత క్రమంలో పూర్తి చేస్తూ, ప్రజలకు ఇచ్చిన మాటను పవన్ కల్యాణ్ నిలబెట్టుకుంటున్నారు.