AP Ward Delimitation: ఆంధ్రప్రదేశ్లో మున్సిపల్ కార్పొరేషన్లలో వార్డుల పునర్విభజనకు పురపాలక శాఖ షెడ్యూల్ విడుదల చేసింది. ఈ మేరకు పురపాలక శాఖ డైరెక్టర్ సంబంధిత కార్పొరేషన్లకు ఆదేశాలు జారీ చేశారు. వార్డుల డిలిమిటేషన్కు సంబంధించిన ప్రతిపాదనలను సిద్ధం చేసి పంపించాలని సూచించారు. విశాఖపట్నం (GVMC), విజయవాడ, గుంటూరు, నెల్లూరు, కర్నూలు, తిరుపతి, కడప, ఏలూరు, అనంతపురం, ఒంగోలు, చిత్తూరు, మచిలీపట్నం మున్సిపల్ కార్పొరేషన్లకు ఈ ఆదేశాలు వర్తించనున్నాయి. ఆయా కార్పొరేషన్లు వార్డుల పునర్విభజనకు సంబంధించిన ప్రతిపాదనలను పంపాల్సి ఉంటుంది.
అభ్యంతరాల స్వీకరణ
కార్పొరేషన్ల నుంచి అందిన వార్డుల పునర్విభజన ప్రతిపాదనలపై ప్రజల నుంచి అభ్యంతరాలు, సూచనలు స్వీకరించేందుకు కూడా షెడ్యూల్లో అవకాశం కల్పించారు. సెప్టెంబర్ 5 నుంచి 11వ తేదీ వరకు అభ్యంతరాలను స్వీకరించనున్నారు.
13న డిలిమిటేషన్ వార్డుల ప్రకటన
అభ్యంతరాల పరిశీలన అనంతరం సెప్టెంబర్ 13న డిలిమిటేషన్ చేసిన వార్డులను ప్రకటించనున్నారు. అనంతరం సెప్టెంబర్ 14న ఏపీ గెజిట్లో వార్డుల పునర్విభజన వివరాలను ప్రచురించనున్నారు. ఈ ప్రక్రియ పూర్తయిన తర్వాత ఆయా మున్సిపల్ కార్పొరేషన్లలో వార్డుల పునర్విభజనకు సంబంధించిన తదుపరి చర్యలు కొనసాగనున్నాయి.
వార్డుల పునర్విభజన షెడ్యూల్
* సంబంధిత మున్సిపల్ కార్పొరేషన్లు వార్డుల పునర్విభజనకు సంబంధించిన ప్రతిపాదనలు పంపాలి.
* 5 నుంచి 11 వరకు పునర్విభజన ప్రతిపాదనలపై ప్రజల నుంచి అభ్యంతరాలు స్వీకరిస్తారు.
* 13న డిలిమిటేషన్ చేసిన వార్డులను ప్రకటిస్తారు.
* 14న తుది వార్డుల పునర్విభజన వివరాలను ఏపీ గెజిట్లో ప్రచురిస్తారు