అఫీషియల్ : ప్రశాంత్ నీల్ తో ‘ఎన్టీఆర్31’

‘కెజిఎఫ్’ దర్శకుడు ప్రశాంత్ నీల్‌, ఎన్టీఆర్ కాంబినేషన్ లో ఓ భారీ ప్రాజెక్ట్ తెరకెక్కనుందనే వార్తలు గత కొంతకాలంగా షికార్లు చేస్తున్నాయి. అయితే ఈ ప్రాజెక్ట్ పై ఎప్పుడు స్పష్టత వస్తుందా అని ఎన్టీఆర్ అభిమానులు ఆతృతగా ఎదురు చూస్తున్నారు. తాజాగా దర్శకుడు ప్రశాంత్ నీల్ స్వయంగా ఎన్టీఆర్ చిత్రంపై క్లారిటీ ఇచ్చారు. నేడు ఎన్టీఆర్ పుట్టినరోజు. ఈ సందర్భంగా ఎన్టీఆర్ కు పుట్టినరోజు శుభాకాంక్షలు చెప్తూ ప్రశాంత్ నీల్ ట్వీట్ చేశారు. ఈ ట్వీట్ లోనే “ఎన్టీఆర్31” గురించి కూడా అధికారికంగా ప్రకటించారు. ఈ ట్వీట్ చూసిన ఎన్టీఆర్ అభిమానులు ఫుల్ ఖుషీ అవుతున్నారు. “ఎన్టీఆర్31” ప్రాజెక్ట్ ను మైత్రి మూవీ మేకర్స్, ఎన్టీఆర్ ఆర్ట్స్ బ్యానర్ లు సంయుక్తంగా నిర్మిస్తున్నాయి. ఇక ప్రస్తుతం ఎన్టీఆర్ కరోనా బారిన పడి, క్వారంటైన్ లో ఉన్న విషయం తెలిసిందే.

https://twitter.com/prashanth_neel/status/1395274100080218115?s=08