Ponnam Prabhakar: బండిసంజయ్ మత రాజకీయాలు చేస్తున్నారు.. పొన్నం ప్రభాకర్ ఫైర్‌

Ponnam Prbhakar: బండిసంజయ్ మత రాజకీయాలు చేస్తున్నారని మంత్రి పొన్నం ప్రభాకర్ ఫైర్‌ అయ్యారు. కరీంనగర్ లో ఆయన మాట్లాడుతూ.. నాలుగు నెలల క్రితం ఏర్పడిన ప్రజల ప్రభుత్వంపై పిల్లి శాపనార్ధాలు పెడుతూ పడగొడతాం అని అంటున్నారని మండిపడ్డారు. ఎన్నికల కోడ్ ముగియగానే మేము ఇచ్చిన హామీల అమలు చేస్తామన్నారు. రుణమాఫీ, పెన్షన్ల పెంపు, రేషన్ కార్డులు లాంటివి అమలు అవుతాయన్నారు. విభజన హామీలు అమలు చేయని బీజేపీ ప్రజల మధ్య విభజన రాజకీయాలు చేస్తుందన్నారు. బండి సంజయ్ ఎంపీగా చేయాల్సిన పనులు చేయకుండా మత రాజకీయాలు చేస్తున్నారని ఆగ్రహం వ్యక్తం చేశారు.

Read also: Akbaruddin Owaisi: మోడీ పేరుతో ఓట్లు రావడం లేదు.. అందుకే నాపేరు వాడుతున్నారు..

బండి సంజయ్ వల్ల ప్రజలకు జరిగిన న్యాయం ఏంటి? ప్రజలకు అందుబాటులో లేడంటూ ఆరోపించారు. మోడీ పేరుతో ఓట్లు అడుగుతున్నాడు సంజయ్ అంటూ మండిపడ్డారు. ఈ ఎన్నికల్లో బీజేపీ గ్రాఫ్ పడిపోతోందన్నారు. ప్రధానమంత్రి దిగజారుడు వ్యాఖ్యలు చేస్తున్నారని అన్నారు. దేశంలో రక్తపాతం సృష్టించే విధంగా మాట్లాడిన మోడీ ప్రధానమంత్రి పదవి ప్రతిష్టను దిగజార్చాడన్నారు. పీవీ గురించి మాట్లాడే అర్హత సంస్కారం లేని మోడీకి ఉందా..? అని ప్రశ్నించారు. వేములవాడకు వచ్చిన మోడీ రాజన్న గుడికి నిధుల ప్రస్తావన తేలేదన్నారు. ప్రసాద్ స్కీం కింద ఎందుకు నిధులు ఇవ్వలేదన్నారు.
Lok Sabha Elections 2024: నేటి సాయంత్రం 6 గంటలతో ఎన్నికల ప్రచారం బంద్.. ఆంక్షలు ఇవీ..