Vivo Y600 Launched in China: స్మార్ట్‌ఫోన్ ప్రియులకు వివో (Vivo) కొత్త ఫోన్‌ను పరిచయం చేసింది. చైనాలో Vivo Y600 పేరుతో కొత్త 5G స్మార్ట్‌ఫోన్‌ను విడుదల చేసింది. ఈ ఫోన్‌లో ఏకంగా 10,000mAh భారీ బ్యాటరీ, 120Hz రిఫ్రెష్ రేట్‌తో కూడిన AMOLED డిస్‌ప్లే, MediaTek Dimensity ప్రాసెసర్ వంటి ఫీచర్లు ఉన్నాయి. ముఖ్యంగా బ్యాటరీ సామర్థ్యం ఈ ఫోన్‌కు ప్రధాన ఆకర్షణగా నిలుస్తోంది. అయితే, భారత్‌లో ఈ ఫోన్ లాంచ్‌పై కంపెనీ ఇంకా అధికారిక ప్రకటన చేయలేదు.
Vivo Y600 ధర ఎంత?
6GB RAM + 128GB స్టోరేజ్
1,999 యువాన్లు
రూ.28,450
8GB RAM + 128GB స్టోరేజ్
2,099 యువాన్లు
రూ.29,875
6GB RAM + 256GB స్టోరేజ్
2,199 యువాన్లు
రూ.31,280
8GB RAM + 256GB స్టోరేజ్
2,499 యువాన్లు
రూ.35,560
ఈ ధరలు చైనా మార్కెట్‌కు సంబంధించినవి. భారత కరెన్సీలో పేర్కొన్న మొత్తాలు సుమారు మారకపు విలువలు మాత్రమే. భారత్‌లో ఫోన్ విడుదలైతే దాని ధరలు, వేరియంట్లు భిన్నంగా ఉండవచ్చు.
Vivo Y600లో 6.83 అంగుళాల AMOLED డిస్‌ప్లేతో వస్తోంది. ఈ స్క్రీన్ 120Hz వరకు రిఫ్రెష్ రేట్‌కు మద్దతు ఇస్తుంది. అలాగే HDR సపోర్ట్, 10-బిట్ కలర్ అవుట్‌పుట్ వంటి ఫీచర్లు ఉన్నాయి. 120Hz రిఫ్రెష్ రేట్ వల్ల స్క్రీన్‌పై కంటెంట్‌ను స్క్రోల్ చేయడం, యానిమేషన్లు చూడడం మరింత స్మూత్‌గా అనిపించవచ్చు. AMOLED టెక్నాలజీ కారణంగా రంగులు, కాంట్రాస్ట్ కూడా ఆకర్షణీయంగా కనిపించే అవకాశం ఉంది.
ఈ స్మార్ట్‌ఫోన్‌లో MediaTek Dimensity 7300e ప్రాసెసర్‌ను ఉపయోగించారు. దీనికి LPDDR4X RAM, UFS 3.1 స్టోరేజ్ జతగా ఉన్నాయి. సాఫ్ట్‌వేర్ విషయానికి వస్తే, ఫోన్ Android ఆధారిత OriginOS 6తో పనిచేస్తుంది. ఫోటోగ్రఫీ కోసం Vivo Y600 వెనుకవైపు f/1.8 అపర్చర్‌తో కూడిన 50MP కెమెరాను, సెల్ఫీలు, వీడియో కాల్స్ కోసం ముందు భాగంలో 8MP కెమెరా ఉంది.
Vivo Y600లో 10,000mAh సామర్థ్యం కలిగిన భారీ బ్యాటరీని అందించారు. ఈ ఫోన్ 44W వైర్డ్ ఛార్జింగ్‌కు మద్దతు ఇస్తుంది. USB Type-C పోర్ట్ ద్వారా రివర్స్ ఛార్జింగ్ సదుపాయం కూడా ఉంది. అవసరమైనప్పుడు ఫోన్‌ను ఉపయోగించి ఇతర అనుకూల పరికరాలకు ఛార్జింగ్ అందించవచ్చు. ఆగస్టులో నిర్వహించిన పరీక్షలో ఈ ఫోన్ వరుసగా 32 గంటల 37 నిమిషాల పాటు వీడియో స్ట్రీమింగ్ చేసినట్లు, ఈ రికార్డును గిన్నిస్ వరల్డ్ రికార్డ్స్‌తో అనుసంధానించినట్లు కంపెనీ తెలిపింది.
ఇతర ఫీచర్లు ఇవే
ఇన్-డిస్‌ప్లే ఆప్టికల్ ఫింగర్‌ప్రింట్ సెన్సార్
ఫేస్ అన్‌లాక్
Bluetooth 5.4
NFC
ఇన్‌ఫ్రారెడ్ రిమోట్ కంట్రోల్
5G కనెక్టివిటీ
USB Type-C పోర్ట్