Boltt Ace 5G vs Boltt Evo: ప్రముఖ స్మార్ట్ఫోన్ బ్రాండ్ బోల్ట్ (Boltt) భారత మార్కెట్లోకి కొత్త స్మార్ట్ఫోన్లను విడుదల చేసింది. కంపెనీ Boltt Ace 5G, Boltt Evo పేర్లతో రెండు కొత్త ఫోన్లను తీసుకొచ్చింది. పెద్ద బ్యాటరీ, 120Hz డిస్ప్లే, AI కెమెరా ఫీచర్లు, క్లీన్ ఆండ్రాయిడ్ అనుభవంతో ఈ ఫోన్లను అందుబాటులోకి తీసుకొచ్చింది. ఈ రెండు స్మార్ట్ఫోన్లు Android 16 ఆపరేటింగ్ సిస్టమ్తో పనిచేస్తాయి. అలాగే Google Gemini ఆధారిత AI ఫీచర్లు, Circle to Search, Google Lens వంటి ఫీచర్లను కూడా అందిస్తున్నాయి.
Boltt Ace 5G, Boltt Evo ధరలు
Boltt Ace 5G ధర భారత్ లో రూ.13,999 నుంచి ప్రారంభమవుతుంది. ఈ ధరకు 4GB RAM, 64GB స్టోరేజ్ వేరియంట్ లభిస్తుంది.
4GB + 64GB: రూ.13,999
6GB + 128GB: రూ.14,999
8GB + 128GB: రూ.15,999
మరోవైపు Boltt Evo బేస్ వేరియంట్ ధర రూ.10,999గా ఉంది. 6GB RAM, 128GB స్టోరేజ్ వేరియంట్ ధర రూ.11,999గా నిర్ణయించారు. కంపెనీ ‘Day 1 Offer’లో భాగంగా అన్ని వేరియంట్లపై రూ.1,000 డిస్కౌంట్ అందిస్తోంది. ఈ రెండు కొత్త ఫోన్లు సెప్టెంబర్ 1 నుంచి Flipkartలో విక్రయానికి రానున్నాయి.
6.79 అంగుళాల 120Hz డిస్ప్లే
Boltt Ace 5G, Boltt Evo రెండింటిలోనూ 6.79-అంగుళాల డిస్ప్లే అందించారు. ఈ స్క్రీన్ 120Hz రిఫ్రెష్ రేట్, గరిష్ఠంగా 600 నిట్స్ బ్రైట్నెస్ కు సపోర్ట్ చేస్తుంది. 120Hz రిఫ్రెష్ రేట్ కారణంగా స్క్రోలింగ్, యాప్ నావిగేషన్, సోషల్ మీడియా బ్రౌజింగ్, వీడియో ప్లేబ్యాక్ మరింత స్మూత్గా ఉండే అవకాశం ఉంది. ఈ రెండు ఫోన్లను 7.95mm సన్నని బాడీతో రూపొందించారు. పెద్ద బ్యాటరీ ఉన్నప్పటికీ స్లిమ్ డిజైన్ను అందించడంపై కంపెనీ దృష్టి పెట్టింది.
6000mAh భారీ బ్యాటరీ
Boltt Ace 5G, Boltt Evo రెండింటిలోనూ 6000mAh బ్యాటరీ ఉంది. దీంతో సాధారణ వినియోగంలో ఎక్కువసేపు బ్యాటరీ బ్యాకప్ అందించే అవకాశం ఉంది. Ace 5Gలో 18W ఫాస్ట్ ఛార్జింగ్ సపోర్ట్ ఉంది. USB Type-C పోర్ట్, NFC, ఎక్స్పాండబుల్ స్టోరేజ్ వంటి ఫీచర్లు కూడా ఇందులో ఉన్నాయి.
64MP AI కెమెరాతో Boltt Ace 5G
Boltt Ace 5Gలో 64MP AI ప్రైమరీ కెమెరాను అందించారు. సెల్ఫీలు, వీడియో కాల్స్ కోసం 8MP ఫ్రంట్ కెమెరా ఉంది. కెమెరాలో AI ఆధారిత ఫీచర్లు కూడా ఉన్నాయి. వీటిలో AI Night Mode, AI Portrait Mode, AI Selfie Enhancement, Real Tone Support వంటి ఫీచర్లు ఉన్నాయి.
Unisoc T8200 ప్రాసెసర్
పర్ఫార్మెన్స్ విషయానికి వస్తే Boltt Ace 5Gలో Unisoc T8200 ఆక్టా-కోర్ ప్రాసెసర్ ను ఉపయోగించారు. ఈ ఫోన్ మూడు RAM ఆప్షన్లలో లభిస్తుంది 4GB RAM + 64GB Storage, 6GB RAM + 128GB Storage, 8GB RAM + 128GB Storage అదనంగా స్టోరేజ్ను విస్తరించుకునే అవకాశం కూడా ఉంది.
Boltt Evoలో 50MP AI కెమెరా
Boltt Evoలో Unisoc T7250 ప్రాసెసర్ ను అందించారు. ఈ ఫోన్ 4GB వరకు RAM, 64GB స్టోరేజ్తో వస్తుంది. కెమెరా సెటప్లో 50MP AI ప్రైమరీ కెమెరా, 2MP మాక్రో కెమెరా ఉన్నాయి. సెల్ఫీల కోసం 8MP ఫ్రంట్ కెమెరా అందించారు.
AI ఫీచర్లకు ప్రాధాన్యం
ఈ రెండు స్మార్ట్ఫోన్లలో AI ఫీచర్లకు కంపెనీ ప్రత్యేక ప్రాధాన్యత ఇచ్చింది. Google Gemini ఆధారిత ఫీచర్లతో పాటు Circle to Search, Google Lens వంటి ఫీచర్లు అందుబాటులో ఉన్నాయి.
కెమెరా విభాగంలో AI Night Mode, AI Portrait Mode, AI Selfie Enhancement వంటి ఫీచర్లు ఫొటోలను మరింత మెరుగ్గా క్యాప్చర్ చేయడానికి ఉపయోగపడతాయి.
మొత్తంగా ఎలా ఉన్నాయి?
తక్కువ ధరలో పెద్ద డిస్ప్లే, 6000mAh బ్యాటరీ, 120Hz రిఫ్రెష్ రేట్, AI కెమెరా ఫీచర్లు, Android 16 వంటి ఫీచర్లను అందించడమే Boltt Ace 5G, Boltt Evo ప్రధాన ఆకర్షణగా కనిపిస్తోంది. ముఖ్యంగా రూ.10,999 ప్రారంభ ధరతో Boltt Evo, అలాగే రూ.13,999 నుంచి ప్రారంభమయ్యే Boltt Ace 5G బడ్జెట్, మిడ్-రేంజ్ స్మార్ట్ఫోన్ విభాగంలో పోటీని పెంచే అవకాశం ఉంది. సెప్టెంబర్ 1 నుంచి Flipkartలో విక్రయాలు ప్రారంభమైన తర్వాత ఈ ఫోన్లకు వినియోగదారుల నుంచి ఎలాంటి స్పందన వస్తుందో చూడాలి.