Yusuf Pathan: ‘నేనెళ్లిపోతా’.. డ్రెస్సింగ్ రూమ్‌లో యూసప్ పఠాన్ హంగామా

టీమిండియా మాజీ క్రికెటర్ యూసఫ్ పఠాన్ డ్రెస్సింగ్ రూమ్‌లో హంగామా చేశాడు. ప్రస్తుతం యూఏఈ వేదికగా జరుగుతున్న ఇంటర్నేషనల్ టీ20 లీగ్‌లో ఆడుతున్న ఇతడు ఒక్కసారిగా టీమ్ సభ్యుల్ని కలవరపాటుకు గురిచేశాడు. ఈ టోర్నమెంట్​లో ఢిల్లీ క్యాపిటల్స్ ఫ్రాంచైజీకి చెందిన.. దుబాయ్ క్యాపిటల్స్‌ జట్టుకు ప్రాతినిధ్యం వహిస్తున్నాడు పఠాన్. కాగా, దుబాయ్‌ క్యాపిటల్స్‌-డెసర్ట్‌ వైపర్స్‌ మధ్య 25వ లీగ్‌ మ్యాచ్‌ జరిగింది. ఇన్నింగ్స్‌ 16 ఓవర్లో బౌలింగ్​కు వచ్చిన​ పఠాన్​కు షాక్ తగిలింది. తొలి బంతికి సామ్‌ బిల్లింగ్స్‌ సింగిల్‌ తీసి రూథర్‌ఫోర్డ్‌కు స్ట్రైక్‌ ఇచ్చాడు. రూథర్​ పూనకం మొదలైంది. తన బ్యాట్​తో చెలరేగిపోయాడు. రెండో బంతిని లాంగాఫ్‌ మీదగా 93 మీటర్లు, మూడో బంతి లాంగాన్‌ మీదుగా, నాలుగో బంతిని బ్యాక్‌ఫుట్‌ తీసుకొని కళ్లుచెదిరే స్ట్రెయిట్‌ సిక్స్‌ కొట్టి హ్యాట్రిక్‌ సిక్సర్లు నమోదు చేశాడు. ఆ తర్వాత ఐదో బంతిని స్క్వేర్‌లెగ్‌లో భారీ సిక్సర్‌ బాదాడు. ఇక ఓవర్‌ చివరి బంతిని మోకాళ్లపై కూర్చొని స్వీప్‌ షాట్‌తో సిక్సర్​గా మలిచాడు. అలా పఠాన్ వేసిన ఈ ఓవర్‌లో 5 సిక్స్​లతో మొత్తం 31 సమర్పించుకున్నాడు.

Also Read: Wedding procession: అందరిలా చేస్తే ఏముంటది.. వెరైటీ ఉండాల్సిందే

దీంతో.. మ్యాచ్​ ముగిసిన తర్వాత డ్రెస్సింగ్​ రూమ్​లో యూసఫ్​ పఠాన్​ హంగామా చేశాడు. మ్యాచ్​ తన వల్లే ఓడిపోయామని అందరూ తన వైపు చూస్తున్నారని.. ఇది అవమానకరంగా ఉందని అన్నాడు. అనంతరం తన క్రికెట్​ బ్యాగ్​ పట్టుకుని సీరియస్​గా బయటకు వెళ్లబోయాడు. దీంతో సపోర్ట్​ స్టాఫ్, మిగతా ప్లేయర్లు అతడిని ఆపే ప్రయత్నం చేశారు. కానీ యూసఫ్​ వారి మాట వినలేదు. దీంతో ఒక్క సారిగా అక్కడ వాతావరణం వేడెక్కింది. కొద్ది సేపు తర్వాత అదంతా ప్రాంక్​ అన్నట్లు స్మైల్​ ఇచ్చాడు పఠాన్​. దీంతో అందరూ ఊపిరి పీల్చుకున్నారు. దీనికి సంబంధించిన వీడియోను దుబాయ్ క్యాపిటల్స్ సోషల్​ మీడియాలో షేర్​ చేయగా.. అది వైరల్​ అయింది.

💓💓💓

Our heartbeats looking at the video 🫣#DPWorldILT20 #ALeagueApart #SoarHighDubai #WeAreCapitals #CapitalsUnplugged | @iamyusufpathan pic.twitter.com/k6dY8GTa0S

— Dubai Capitals (@Dubai_Capitals) February 1, 2023