Vodafone Idea Q1 Results: ఆర్థిక సంక్షోభంలో కూరుకుపోయిన టెలికాం ఆపరేటర్ వొడాఫోన్ ఐడియా కష్టాలను తగ్గేలా కనిపించడం లేదు. 2023-24 ఆర్థిక సంవత్సరంలో కంపెనీ నష్టాలు మళ్లీ పెరిగాయి. వొడాఫోన్ ఐడియా ఏప్రిల్-జూన్ త్రైమాసికంలో రూ. 7,840 కోట్ల నష్టాన్ని చవిచూసింది. ఇది గత ఏడాది అదే త్రైమాసికంలో రూ. 7,297 కోట్ల నష్టంతో పోలిస్తే 7 శాతం ఎక్కువ. కాగా, జనవరి-మార్చి మధ్య తొలి త్రైమాసికంలో కంపెనీ నష్టం రూ.6419 కోట్లుగా ఉంది.
ఆర్థిక సంవత్సరం తొలి త్రైమాసికంలో వొడాఫోన్ ఐడియా ఆదాయంలో 2 శాతం స్వల్ప పెరుగుదల నమోదైంది. నిర్వహణ ద్వారా కంపెనీ ఆదాయం రూ. 10,655 కోట్లుగా ఉంది. గత ఏడాది ఇదే త్రైమాసికంలో ఇది రూ.10,410 కోట్లు. సంస్థ సగటు ఆదాయం( average revenue per user- ARPU) రూ. 139. ఇది మొదటి త్రైమాసికంలో రూ. 135. అంటే ARPUలో 2.9 శాతం స్వల్ప పెరుగుదల ఉంది.
Read Also:Business Ideas: గోధుమ రవ్వ, చింతపండుతో ప్లేట్లు, గ్లాసులు.. లక్షల్లో ఆదాయం..
ఏప్రిల్-జూన్ త్రైమాసికం ముగిసే సమయానికి కంపెనీ మొత్తం రుణభారం రూ.2.11 లక్షల కోట్లకు చేరింది. ఇందులో వాయిదా వేసిన స్పెక్ట్రమ్ చెల్లింపు కోసం రూ. 1.33 లక్షల కోట్లు బకాయిలు ఉన్నాయి. ఇందులో ప్రభుత్వం చెల్లించాల్సిన రూ. 66,860 కోట్ల బకాయిలు AGR తలపై ఉన్నాయి. ఈ కాలంలో బ్యాంకులు, ఆర్థిక సంస్థల అప్పులు తగ్గి రూ.5700 కోట్లకు తగ్గాయి. గత త్రైమాసికంలో 225.9 మిలియన్లుగా ఉన్న కంపెనీ వినియోగదారుల సంఖ్య 221 మిలియన్లకు తగ్గింది.
కంపెనీ ఆదాయం, ఏఆర్‌పీయూ, 4జీ సబ్‌స్క్రైబర్‌లలో రోజుకి పెరుగుతున్న ఎనిమిదో త్రైమాసికమని, ఇది మార్కెట్‌లో నిలదొక్కుకునే సామర్థ్యాన్ని కలిగి ఉందని కంపెనీ సీఈవో అక్షయ్ ముంద్రా అన్నారు. మరిన్ని రుణాలను పెంచేందుకు రుణదాతలతో చర్చిస్తున్నామని చెప్పారు. అందరూ కలిసి ఈక్విటీ ద్వారా నిధులను సేకరించడం గురించి చర్చిస్తున్నట్లు ఆయన పేర్కొన్నారు. తద్వారా కంపెనీ 5G నెట్‌వర్క్‌ని విస్తరించవచ్చు.
Read Also:NTA Recruitment 2023: డిగ్రీ అర్హతతో నేషనల్ టెస్టింగ్ ఏజెన్సీలో ఉద్యోగాలు..