‘ఆర్ఆర్ఆర్’ సినిమా గ్లోబల్ వైడ్ గా బిగ్గెస్ట్ హిట్ అవ్వడంతో ఎన్టీఆర్ గ్లోబల్ వైడ్ గా పాపులర్ అయ్యారు.అందుకే తన తరువాతి సినిమాల ప్లానింగ్ కూడా పక్కాగా జరుగుతోంది.ఎన్టీఆర్ మాస్ డైరెక్టర్ కొరటాల శివ డైరెక్షన్ లో “దేవర” సినిమాను చేస్తున్నారు. ఈ సినిమా ఔట్ పుట్ బాగుండాలని మేకర్స్ షూటింగ్ కు , పోస్ట్ ప్రొడక్షన్ పనులకు ఎక్కువ సమయాన్ని తీసుకుంటున్నారు. ఇప్పటికే ‘ఆర్ఆర్ఆర్’ తర్వాత రామ్ చరణ్ తన తండ్రితో కలిసి చేసిన ‘ఆచార్య’ సినిమాతో ప్రేక్షకుల ముందుకు వచ్చాడు. కానీ ఎన్టీఆర్ మాత్రం ఒక్కసారి కూడా వెండితెరపై కనిపించలేదు. అందుకే ఫ్యాన్స్ కోరికను తీర్చడం కోసం ఎన్టీఆర్ హీరోగా నటిస్తున్న ‘దేవర’ టీజర్ ను వెండితెరపై చూపించడానికి మేకర్స్ ప్లాన్ చేస్తున్నారు. ‘దేవర’ మూవీ నుండి ఇప్పటివరకు పోస్టర్స్ తప్పా ఇంకేమి మేకర్స్ రిలీజ్ చేయలేదు.అయితే న్యూ ఇయర్ సందర్భంగా ఈ మూవీ నుండి ఏదో ఒక అప్డేట్ వస్తుంది అనుకున్న ఫ్యాన్స్ కు చిత్ర యూనిట్ బిగ్ అప్డేట్ అందించింది.
గ్లింప్స్ ను రిలీజ్ చేయకపోయినా.. మేకర్స్ గ్లింప్స్ రిలీజ్ డేట్ అప్డేట్ ను ఇచ్చారు.. జనవరి 8న ‘దేవర’ గ్లింప్స్ ప్రేక్షకుల ముందుకు రానుందని ఒక స్పెషల్ పోస్టర్ విడుదల చేశారు. దీంతో ఫ్యాన్స్ అంతా ఈ గ్లింప్స్ ఎప్పుడెప్పుడు చూస్తామా అని ఎదురుచూస్తున్నారు. ఇంతలోనే ఈ గ్లింప్స్ ను వెండితెరపై చూసే అవకాశం ఉందని వార్తలు వస్తున్నాయి. ఒక సినిమాతో ‘దేవర’ గ్లింప్స్ యాడ్ చేయనున్నట్టు సమాచారం.సంక్రాంతి కానుకగా జనవరి 12న ‘గుంటూరు కారం’ మరియు ‘హనుమాన్’ సినిమాలు థియేటర్లలో రిలీజ్ కు సిద్ధమవుతున్నాయి. అయితే అందులో ఒకటైన ‘హనుమాన్’ మూవీకి ‘దేవర’ గ్లింప్స్ ను అటాచ్ చేయనున్నారట. ‘హనుమాన్’ మూవీ చూడడం కోసం థియేటర్లకు వచ్చినవారికి ‘దేవర’ గ్లింప్స్ డబుల్ ట్రీట్ ఇవ్వనుంది. ప్రశాంత్ వర్మ మరియు తేజ సజ్జా కాంబినేషన్లో తెరకెక్కిన ‘హనుమాన్’పై ప్రేక్షకుల్లో భారీ అంచనాలే ఉన్నాయి. పాన్ ఇండియా రేంజ్లో హిందీతో ఇతర సౌత్ భాషల్లో కూడా విడుదల అవుతున్న ఈ చిత్రాన్ని థియేటర్లలో చూడడానికి చాలామంది ప్రేక్షకులు ఎంతగానో ఎదురుచూస్తున్నారు. తమ సినిమాలో కంటెంట్ ఉందని, అందుకేసంక్రాంతి కానుకగా ప్రేక్షకులకు విజువల్ ట్రీట్ ఇవ్వడానికి సిద్ధం అయినట్లు “హనుమాన్” మేకర్స్ తెలియజేసారు
