Infosys-TCS Update: టీసీఎస్, ఇన్ఫోసిస్ కంపెనీల్లో 11,961 ఉద్యోగాల కోత

Infosys-TCS Update: దేశంలోని రెండు ప్రముఖ ఐటి కంపెనీలు టిసిఎస్ (టాటా కన్సల్టెన్సీ సర్వీసెస్), ఇన్ఫోసిస్ 2023-24 ఆర్థిక సంవత్సరం మూడవ త్రైమాసిక ఫలితాలను ప్రకటించాయి. మూడవ త్రైమాసికంలో రెండు కంపెనీలలో పనిచేసే ఉద్యోగుల సంఖ్య తగ్గింది. టీసీఎస్ హెడ్‌కౌంట్‌లో 5860 మంది తగ్గగా, ఇన్ఫోసిస్‌లో పనిచేస్తున్న ఉద్యోగుల సంఖ్య 6101 తగ్గింది. టీసీఎస్‌లో ఉద్యోగుల సంఖ్య తగ్గడం ఇది వరుసగా రెండో త్రైమాసికం. ప్రస్తుత ఆర్థిక సంవత్సరం రెండో త్రైమాసికంలో ఉద్యోగుల సంఖ్య 6,333 తగ్గింది. డిసెంబర్ 31, 2023 నాటికి కంపెనీ మొత్తం ఉద్యోగుల సంఖ్య 603,305కి తగ్గింది. అయితే కంపెనీ నుంచి బయటకు వచ్చే వారి సంఖ్య తగ్గింది. టీసీఎస్ అట్రిషన్ రేటు 14.9 శాతం నుంచి 13.3 శాతానికి తగ్గింది.

Read Also:Ruhani Sharma: చీరలో ముసిముసి నవ్వులతో మెరిసిపోతున్న రుహాని శర్మ..

ఇన్ఫోసిస్‌లో పనిచేస్తున్న ఉద్యోగుల సంఖ్య 6,101 తగ్గింది. రెండో త్రైమాసికంలో కూడా ఇన్ఫోసిస్ ఉద్యోగుల సంఖ్య 7530 తగ్గింది. గత ఏడాది ఇదే కాలంలో ఉద్యోగుల సంఖ్య 1627 పెరిగింది. ఉద్యోగుల సంఖ్య తగ్గడం ఇది వరుసగా నాలుగో త్రైమాసికం. డిసెంబర్ 31, 2023 నాటికి కంపెనీలో ఉద్యోగుల సంఖ్య 322,663కి తగ్గింది. ఇన్ఫోసిస్‌లో అట్రిషన్ రేటు కూడా తగ్గింది. ఇది 14.6 శాతం నుండి 12.9 శాతానికి తగ్గింది.

Read Also:YS Sharmila: ప్రజాభవన్ లో భట్టిని కలిసిన వైఎస్ షర్మిల.. ఎందుకంటే..!

అట్రిషన్ రేటు 13.3 శాతానికి తగ్గిందని టీసీఎస్ చీఫ్ హెచ్‌ఆర్ ఆఫీసర్ మిలింద్ లక్కడ్ తెలిపారు. కాలేజీ క్యాంపస్ నుంచి కంపెనీ రిక్రూట్ మెంట్ తీసుకుంటుందని చెప్పారు. వచ్చే ఏడాది కూడా క్యాంపస్ నియామక ప్రక్రియను కంపెనీ ప్రారంభించిందని ఆయన చెప్పారు. టీసీఎస్‌లో చేరేందుకు యువతలో చాలా ఉత్సాహం కనిపిస్తోందన్నారు. 2023-24 ఆర్థిక సంవత్సరంలో 40,000 మంది ఫ్రెషర్లను నియమించుకోవాలని TCS ప్లాన్ చేసింది.