Shankar : ఇండియన్ 2 సినిమా కోసం సరికొత్త ప్రయోగం చేయబోతున్న దర్శకుడు శంకర్..?

తమిళ స్టార్ దర్శకుడు శంకర్ ప్రస్తుతం కమల్ హాసన్ హీరోగా ఇండియన్ 2 సినిమాను తెరకెక్కిస్తున్న విషయం తెలిసిందే.భారతీయుడు సినిమాకు సీక్వెల్ గా ఇండియన్2 సినిమాను తెరకెక్కిస్తున్నారు.ఈ సినిమా షూటింగ్ మొదలై కొంత భాగం పూర్తి అయిన తర్వాత అనుకోని కారణాల వల్ల ఈ సినిమా షూటింగ్ నిలిపివేయడం జరిగింది.వెంటనే శంకర్ ఈ సినిమా పనులను ఆపేసి గ్లోబల్ స్టార్ రాంచరణ్ తో గేమ్ ఛేంజర్ సినిమాను మొదలుపెట్టడం జరిగింది.. అయితే ఆ తర్వాత రోజుల్లో ఇండియన్ 2 సినిమాకు వున్న అడ్డంకి తొలగిపోవడంతో శంకర్ ఇండియన్2 సినిమాను షూటింగ్ మళ్ళీ రీ స్టార్ట్ చేసారు.అయితే ఈ సినిమాలో కీలక పాత్రలు పోషిస్తున్న కమెడియన్ వివేక్ మరియు మలయాళ నటుడు నెడుముడి వేణు కొన్ని సన్నివేశాల షూట్ పూర్తైన తర్వాత మృతి చెందటం జరిగింది.

ఆ సన్నివేశాలను ఇప్పుడు రీషూట్ చేయాలంటే ఎక్కువ మొత్తం ఖర్చు చేయాల్సి వస్తుంది.అయితే టెక్నాలజీని వాడుకునే విషయంలో శంకర్ ఎప్పుడూ ముందు వుంటారు.అయితే హాలీవుడ్ టెక్నాలజీని ఉపయోగించి వివేక్ మరియు నెడుముడి వేణు సీన్లను చూపించనున్నారని తెలుస్తుంది.గతంలో ఎప్పుడూ కూడా చేయని ప్రయోగాలను ఈ సినిమా కోసం శంకర్ చేస్తున్నట్లు సమాచారం.కమల్ హాసన్ ను గ్రాఫిక్స్ సహాయంతో ఈ సినిమాలో ఎంతో యంగ్ గా చూపించనున్నారని ప్రచారం జరుగుతుంది.శంకర్ చేస్తున్న ఈ ప్రయోగాలు సినిమాకు ప్లస్ అవుతాయో లేదో చూడాలి.ఈ సినిమాకు డైరెక్టర్ శంకర్ భారీగా రెమ్యూనరేషన్ తీసుకుంటున్నట్లు సమాచారం శంకర్ తెరకెక్కించిన ఐ మరియు 2.o సినిమాలు ఆశించిన స్థాయిలో కలెక్షన్స్ రాబట్టలేకపోయాయి. ఇండియన్ 2 సినిమాతో భారీ కలెక్షన్స్ సాధించాలని చూస్తున్నట్లు సమాచారం.అలాగే రామ్ చరణ్ తో తెరకెక్కిస్తున్న గేమ్ చేంజర్ సినిమా కూడా భారీ బడ్జెట్ తో నిర్మిస్తున్మారు నిర్మాత దిల్ రాజు. మరీ ఈ రెండు సినిమాలతో శంకర్ మళ్ళీ ఫామ్ లోకి వస్తాడో లేదో చూడాలి.