యంగ్ టైగర్ ఎన్టీఆర్ హీరోగా త్రివిక్రమ్ శ్రీనివాస్ కాంబోలో వచ్చిన అరవింద సమేత సూపర్ హిట్ సాధించింది. లాంగ్ గ్యాప్ తర్వాత వీరిద్దరి కాంబోలో మరో సినిమా రాబోతున్న సంగతి తెలిసిందే. సితార ఎంటర్టైన్మెంట్స్ బ్యానర్ లో నాగవంశీ ఈ సినిమాను భారీ బడ్జెట్ పై భారీ ఎత్తున నిర్మించనున్నారు. ప్రస్తుతం త్రివిక్రమ్ దర్శకత్వంలో విక్టరీ వెంకటేష్ హీరోగా సినిమా చేస్తున్నారు. ఈ సినిమా ఫినిష్ అయిన వెంటనే తారక్ తో సినిమాను సెట్స్ పైకి తీసుకువెళ్లేందుకు రెడీ అవుతున్నాడు నిర్మాత నాగవంశి.
Also Read : Exclusive : ఎన్టీఆర్ తో కాదు.. రామ్ చరణ్ తో తమిళ డైరెక్టర్ సినిమా ఫిక్స్
కాగా ఈ సినిమాకు సంబంధించి ప్రీ ప్రొడక్షన్ వర్క్ ను స్టార్ట్ చేసారు దర్శకుడు త్రివిక్రమ్. అయితే ఈ సినిమా కోసం త్రివిక్రమ్ భారీ మార్పులు చేస్తున్నాడు. ఇప్పటి వరకు తనతో ఉన్న టీమ్ మొత్తాన్ని పక్కన పెట్టి మరొక న్యూ రైటర్స్ టీమ్ ను తీసుకున్నాడు. ఎన్టీఆర్ తో తెరకెక్కించే ఈ సినిమా త్రివ్రిక్రమ్ కెరీర్ లోనే బెస్ట్ వర్క్ ఫిల్మ్ గా ఉండబోతుందని ఇండస్ట్రీ ఇన్ సైడ్ సర్కిల్స్ లో ఒక టాక్ నడుస్తోంది. ఇప్పటి వరకు కమర్షియల్ సినిమాలు చేసిన త్రివిక్రమ్ తొలిసారి మైథలాజికల్ సినిమా చేస్తున్నారు. దాంతో ఈ సినిమాపై ఇప్పటి నుండే అంచనాలు ఓ రేంజ్ లో ఉన్నాయి. పాన్ ఇండియా స్థాయిలో తెరకెక్కబోయే ఈ సినిమాను వచ్చే ఏడాది సెకండ్ హాఫ్ నుండి షూటింగ్ స్టార్ట్ చేసేలా ప్లానింగ్ చేస్తున్నారు. ఈ లోగా ఇటు త్రివిక్రమ్ చేస్తున్న వెంకీ సినిమాను అటు నీల్ డైరెక్షన్ లో చేస్తున్న సినిమాను ఎన్టీఆర్ ఫినిష్ చేసేలా ప్లాన్ చేస్తున్నారు.