NTR31 : ఎన్టీఆర్, ప్రశాంత్ నీల్ సినిమా అప్డేట్.. అప్పటి నుంచే షూటింగ్ షురూ..!

గ్లోబల్ స్టార్ హీరో ఎన్టీఆర్ ప్రస్తుతం బ్యాక్ టు బ్యాక్ సినిమాలను లైన్లో పెడుతున్నాడు.. ప్రస్తుతం కొరటాలా సినిమాతో పాటుగా బాలీవుడ్ లో వార్ 2 సినిమా కూడా చేస్తున్నాడు.. దీంతో పాటుగా ప్రశాంత్ నీల్ దర్శకత్వంలో మరో సినిమాకు గ్రీన్ సిగ్నల్ ఇచ్చాడు.. ఆ సినిమా అప్డేట్ కోసం ఫ్యాన్స్ వెయిట్ చేస్తున్నారు.. తాజాగా ఈ సినిమా నుంచి అదిరిపోయే అప్డేట్ వచ్చేసింది..

NTR31 అనే వర్కింగ్ టైటిల్తో ఈ మూవీని అనౌన్స్ చేశారు. ఈ ప్రకటన వచ్చి కూడా ఏడాది గడిచిపోయింది. అయితే అప్పటికే ప్రభాస్ సలార్ మూవీతో బిజీగా ఉండటం, అటు ఎన్టీఆర్ కూడా వరుస సినిమాలతో బిజీగా ఉండటంతో ఆ సినిమా వెనక్కి వెళ్లింది.. ఎన్టీఆర్, ప్రశాంత్ నీల్ ఇద్దరు ఇప్పుడు ఫ్రీ అయ్యారు.. దాంతో ఈ సినిమాను పట్టాలెక్కించే పనిలో ఉన్నారు..

ఈ సినిమా ఇంకా మొదలు కాలేదు కానీ అప్డేట్స్, గాసిప్స్ మొదలయ్యాయి. దీంతో ఈ సినిమాపై హైప్ క్రియేట్ అవుతుంది. ఇప్పటికే ఈ సినిమాకు డ్రాగన్ టైటిల్ను ఫిక్స్ చెయ్యనున్నట్లు ఓ వార్త ప్రచారంలో ఉంది. దీంతో టైటిల్పై విపరీతమైన బజ్ క్రియేట్ అయ్యింది.. ఈ సినిమా కోసం ఫ్యాన్స్ వెయిట్ చేస్తున్నారు. కేజీయఫ్, సలార్ చిత్రాలతో ఇండియన్ మూవీ బాక్సాఫీసు వద్ద ప్రభంజనం సృష్టించిన నీల్ తో సినిమా రాబోతుందని ఫ్యాన్స్ ఆసక్తిగా ఎదురుచూస్తున్నారు.. ఈ సినిమా కూడా భారీ విజయాన్ని అందుకుంటుందని ఇప్పటి నుంచే సంబరిపడిపోతున్నారు..