న్యాచురల్ స్టార్ నాని నటించిన హాయ్ నాన్న సినిమా థియేటర్లలో (డిసెంబర్ 7) నేడు విడుదలైంది. సినిమా విడుదల కంటే ముందు నాని హాయ్ నాన్నకు సంబంధించి కొన్ని ఆసక్తి వివరాలను తెలియజేశాడు..నాని హాయ్ నాన్న పై చాలా కాన్ఫిడెంట్ గా కనిపిస్తున్నారనే ప్రశ్నకు.. “అది హాయ్ నాన్న కంటెంట్ ఇచ్చిన నమ్మకం. ఏదైనా సినిమాని చూసినప్పుడు అది నచ్చితే మొదట సోషల్ మీడియాలో సినిమాని అభినందిస్తూ నేను పోస్ట్ పెడతాను. తాజాగా వచ్చిన యానిమల్ కూడా అలా చేశాను. అది ఒక ప్రేక్షకుడిగా నా అనుభూతి. ‘హాయ్ నాన్న’ని ఒక ప్రేక్షకుడిగా చూసినప్పుడు నాకు అదే గొప్ప అనుభూతి కలిగింది. అదే ఈ నమ్మకాన్ని ఇచ్చింది” అని నాని తెలిపారు.
అయితే యానిమల్ లాంటి కథ వస్తే అంగీకరిస్తారా అనే ప్రశ్నకి “వందశాతం. దసరా లాంటి కథలో నన్ను ఊహించకున్నారా..చేస్తే గానీ ఊహించలేం. బహుశా అంత కంటే మ్యాడ్నెస్ ఉన్న పాత్రలు చేస్తానేమో చెప్పలేం కదా.అలాంటి సవాల్ తో కూడుకున్న పాత్రలు, కథలు వచ్చినపుడు వాటిని కచ్చితంగా చేయడానికే ఇష్టపడతాను” అని నాని చెప్పుకొచ్చాడు.తను నటిస్తున్న హిట్ 3 చిత్రం గురించి అడగగా.”హిట్ యూనివర్స్లో ప్రతి ఆలోచన కూడా నా దగ్గరకే ముందు వస్తుంది. ప్రస్తుతం కథ సిద్ధం అవుతుంది.వర్క్ పూర్తయిన వెంటనే మొదలుపెడతాం” అని నాని అప్డేట్ ఇచ్చాడు. అలాగే హాయ్ నాన్నపై నాని లీక్ ఇవ్వమని అంటే.. హాయ్ నాన్న ఇంటర్వెల్ కి అస్సలు ఇంటర్మిషన్ అని ఉండదు. హాయ్ అని వస్తుంది” అని నవ్వుతూ నాని తెలిపారుబలగం ఫేమ్ వేణుతో ఎల్లమ్మ అనే ప్రాజెక్ట్ గురించి అడగగా “ప్రస్తుతానికైతే ఏమి లేదు. అయితే దిల్ రాజు గారు, వేణు నాతో వర్క్ చేయాలని అనుకుంటున్నారని అయితే చెప్పారు. వేణు ఎంతో టాలెంట్ వున్న దర్శకుడు. బలగం చూసిన తర్వాత తనలో ఇంత టాలెంట్ ఉందా అని అనుకున్నాను. తను వచ్చి నాకు కథ చెబితే ఐయామ్ వెరీ హ్యాపీ” అని నాని తెలిపారు.
