కార్తీక మాసం సందర్భంగా హైదరాబాద్లోని ఎన్టీఆర్ స్టేడియం వేదికగా ఎన్టీవీ, భక్తి టీవీ ఆధ్వర్యంలో నిర్వహిస్తున్న కోటి దీపోత్సవం 2026 వేడుకలు భక్తి పారవశ్యంతో కొనసాగుతున్నాయి. ఈ మహోత్సవంలో భాగంగా నవంబర్ 20, శుక్రవారం నాడు ఏడో రోజు ప్రత్యేక ఆధ్యాత్మిక కార్యక్రమాలు అత్యంత వైభవంగా జరిగాయి. కార్తీక శుక్రవారం, ప్రబోధిని ఏకాదశి పర్వదినాలు కలిసి రావడంతో ఈ రోజు కార్యక్రమాలు భక్తులకు మరింత ప్రత్యేకంగా నిలిచాయి. వేడుకల ఆద్యంతం మంత్రోచ్చారణలు, పూజా విధానాలు, ఆధ్యాత్మిక సందేశాలతో ఎన్టీఆర్ స్టేడియం ప్రాంగణం పుణ్యక్షేత్రాన్ని తలపించింది.
అనుగ్రహ భాషణం.. ప్రవచనామృతం
ఏడో రోజు కార్యక్రమాల్లో భాగంగా ఉడుపి పెజావర్ మఠానికి చెందిన శ్రీ విశ్వప్రసన్నతీర్థ స్వామీజీ భక్తులకు అనుగ్రహ భాషణం అందించారు. ధర్మం, భక్తి, ఆధ్యాత్మిక జీవన విధానంపై స్వామీజీ చేసిన మార్గదర్శనం హాజరైన భక్తులను ఎంతో ప్రభావితం చేసింది. అనంతరం ప్రముఖ ఆధ్యాత్మిక ప్రవచనకర్త శ్రీ మల్లాది సూర్యకిరణ్ శర్మ (సూర్యనారాయణ శర్మ) ప్రవచనామృతం భక్తులను ఆధ్యాత్మిక లోకంలో విహరింపజేసింది. ఆయన అందించిన ఆధ్యాత్మిక విశేషాలు, పురాణ గాథలు ప్రేక్షకులను ఆకట్టుకున్నాయి. నేటి కార్యక్రమానికి తెలంగాణ నీటిపారుదల శాఖ మంత్రి, హుజూర్ నగర్ శాసనసభ్యులు శ్రీ ఎన్.ఉత్తమ్ కుమార్ రెడ్డి ముఖ్య అతిథిగా హాజరై తొలి కార్తీకదీపారాధన చేశారు.
కనులపండువగా త్రిశక్తి మహాపూజ.. సరస్వతి విగ్రహాలకు విశేషార్చన
కోటి దీపోత్సవంలో ఏడో రోజు త్రిశక్తి మహాపూజ ప్రధాన ఆకర్షణగా నిలిచింది. వేదికపై మైసూరు చాముండేశ్వరి, వర్గల్ సరస్వతి, కొల్లాపూర్ మహాలక్ష్మి అమ్మవార్లకు ప్రత్యేకంగా త్రిశక్తి మహాపూజను వేదపండితుల ఆధ్వర్యంలో శాస్త్రోక్తంగా నిర్వహించారు. శక్తి స్వరూపిణులైన అమ్మవార్ల ఆరాధన భక్తులకు విశేష అనుభూతిని పంచింది. దీనితో పాటు భక్తులచే సరస్వతి విగ్రహాలకు విశేషార్చన కార్యక్రమం కూడా ఎంతో భక్తిశ్రద్ధలతో జరిగింది. భక్తులు స్వయంగా పూజల్లో పాలుపంచుకోవడం ఈ వేడుకకు మరింత శోభను చేకూర్చింది.
అలంపురం జోగులాంబ కల్యాణం.. గజ వాహన సేవ
నేటి ప్రత్యేక కార్యక్రమాల్లో అలంపురం శ్రీ జోగులాంబ అమ్మవారి కల్యాణోత్సవం మరో ముఖ్య ఘట్టంగా నిలిచింది. సంప్రదాయ పద్ధతిలో జరిగిన కల్యాణ వేడుకను భక్తులు భక్తిశ్రద్ధలతో తిలకించారు. కల్యాణోత్సవం అనంతరం గజ వాహనంపై స్వామివారి వాహన సేవను వైభవంగా నిర్వహించారు. ఈ వాహన సేవ భక్తులకు కనులపండువగా నిలిచి, పండుగ వాతావరణాన్ని మరింత పెంచింది.
స్వర్ణ లింగోద్భవం, సప్త హారతులు.. భక్తుల భాగస్వామ్యం
ఏడో రోజు వేడుకల్లో స్వర్ణ లింగోద్భవం, సప్త హారతులు అత్యంత ఘనంగా జరిగాయి. సప్త హారతుల వెలుగులు, ఆధ్యాత్మిక వాతావరణం భక్తులను మంత్రముగ్ధులను చేశాయి. కార్తీక శుక్రవారం, ప్రబోధిని ఏకాదశి పర్వదినం సందర్భంగా నిర్వహించిన ఈ ఆధ్యాత్మిక కార్యక్రమాల్లో పెద్ద సంఖ్యలో భక్తులు పాల్గొని దైవానుగ్రహాన్ని పొందారు. రచనా టెలివిజన్ ప్రైవేట్ లిమిటెడ్ ఆహ్వానం మేరకు తరలివచ్చిన భక్తుల కోలాహలంతో కోటి దీపోత్సవం ఏడో రోజు వేడుకలు విజయవంతంగా, భక్తిశ్రద్ధలతో ముగిశాయి.
కోటిదీపోత్సవం-2026 7వ రోజు ఉత్సవంలో భాగంగా వేదికపై త్రిశక్తి పూజ -కొల్హాపూర్ మహాలక్ష్మీ + మైసూరు చాముండేశ్వరి + వర్గల్ సరస్వతీ అమ్మవార్లకు పసుపు – కుంకుమ – గంధంతో అర్చన..
#BhakthiTV #Kotideepotsavam2026 #NTVTelugu #Hyderabad #Karthikamasam #Kotideepotsavam #కోటిదీపోత్సవం2026 #కోటిదీపోత్సవం
— BhakthiTV (@BhakthiTVorg) November 20, 2026
Divine Darshan of the Three Goddesses in Amazing Rangoli Art | Koti Deepotsavam 2026 | Bhakthi TV
#Tridevi #ThreeGoddesses #RangoliArt #KotiDeepotsavam2026 #BhakthiTV https://t.co/45WcgMZqi1
— BhakthiTV (@BhakthiTVorg) November 20, 2026
అలంపురం శ్రీ జోగులాంబ కల్యాణోత్సవంలో జీలకర్ర బెల్లం దర్శన ఫలితం | Koti Deepotsavam 2026
#KotiDeepotsavam2026 #BhakthiTV https://t.co/txE0YyC54X
— BhakthiTV (@BhakthiTVorg) November 20, 2026

