Indian 2 : దాదాపు 8 వేల మంది జూనియర్ ఆర్టిస్టులతో శంకర్ భారీ ప్లాన్..?

విశ్వనటుడు కమల్ హాసన్ గత ఏడాది విక్రమ్ సినిమాతో అదిరిపోయే కమ్ బ్యాక్ ఇచ్చారు.. విక్రమ్ సినిమా కమల్ హాసన్ కు అద్భుత విజయాన్ని అందించింది..ఇదే ఊపుతో కమల్ ఇండియన్ 2 సినిమాను లైన్ లో పెట్టాడు.కమల్ హాసన్ హీరోగా కోలీవుడ్ స్టార్ డైరెక్టర్ శంకర్ దర్శకత్వంలో.. వచ్చిన సూపర్ హిట్ మూవీ ఇండియన్ (భారతీయుడు). ఇక ఇదే కాంబినేషన్ లో.. ఈ ఇద్దరు స్టార్లు కలిసి ఇప్పుడు ఇండియన్ సినిమా కు సీక్వెల్ ను చేస్తున్నారు. ఈ చిత్ర షూటింగ్ దాదాపు చివరి దశలో ఉంది. ఇండియన్ 2 గా తెరకెక్కుతోన్న.. ఈ సినిమా లో సిద్దార్థ్, కాజల్ అగర్వాల్, రకుల్ ప్రీత్ సింగ్, ప్రియా భవాని, వెన్నెల కిశోర్ మరియు బ్రహ్మానందం తదితరులు ముఖ్య పాత్రలు పోషిస్తున్నారు. కొన్ని కారణాల వల్ల ఈమూవీ కొన్నాళ్లు ఆగిపోయింది. అయితే ఈ సినిమా కు వచ్చిన చిక్కులు తొలిగిపోయి మళ్ళీ షూటింగ్ మొదలయింది..

గత కొన్నాళ్లు గా ఈ సినిమా షూటింగ్ జరుపుకుంటూనే ఉంది. ఇటీవల ఈ మూవీ డబ్బింగ్ వర్క్స్ కూడా స్టార్ట్ అయ్యాయని చెప్పడం తో షూటింగ్ చివరి దశకు వచ్చిందని అంతా అనుకున్నారు. ఇక ఈ చిత్రం షూటింగ్ ని అయితే దర్శకుడు శంకర్ ప్రపంచ వ్యాప్తంగా అనేక ప్రాంతాల్లో తెరకెక్కిస్తుండగా లేటెస్ట్ గా ఇండియన్ 2 టీమ్ ఆంధ్రప్రదేశ్ లోని విజయవాడ కు చేరింది. ఇక్కడ ఓ క్రేజీ సీక్వెన్స్ ను తీయ్యబోతున్నట్టు తెలుస్తోంది. ఈ షూటింగ్ కోసం ఏకంగా 8000 వేల మంది జూనియర్ ఆర్టిస్ట్ లను తీసుకున్నట్టు సమాచారం. అక్కడ ఈ చిత్రంలో ఓ క్రేజీ సీక్వెన్స్ ని షూటింగ్ జరుపుకుంటున్నట్టుగా తెలుస్తుంది.విజయవాడ లోని గాంధీనగర్ పరిసర ప్రాంతాల్లో షూట్ చేస్తున్నారని సమాచారం.. దీనితో మొత్తం నాలుగు రోజులు అక్కడ బ్లాక్ చేసినట్టు గా తెలుస్తుంది.. శంకర్ తెరకెక్కించబోయే ఈ సీన్స్ సినిమాకే హైలైట్ గా నిలువనున్నట్లు సమాచారం.