Deepika Padukone : లేడీ సింగం గా అదరగొడుతున్న దీపికా పదుకొణె..
బాలీవుడ్ స్టార్ హీరోయిన్ దీపికా పదుకొణె వరుస సినిమాలతో అదరగొడుతుంది.ఇటీవల పఠాన్ మూవీతో అదిరిపోయే హిట్ ను తన ఖాతాలో వేసుకుంది. జవాన్ చిత్రంలో కీలక పాత్ర పోషించి ఆకట్టుకుంది. ఇప్పుడు తాజాగా బాలీవుడ్ స్టార్ డైరెక్టర్ రోహిత్ శెట్టి కాప్ యూనివర్స్ లోకి ఎంట్రీ ఇచ్చింది ఈ హాట్ బ్యూటి. రోహిత్ శెట్టి దర్శకత్వంలో వస్తున్న లేటెస్ట్ కాప్ యాక్షన్ ఎంటర్టైనర్ మూవీ సింగం ఎగైన్..రోహిత్ శెట్టి మొదటిసారిగా కాప్ యూనివర్స్ లోకి ఫీమెల్ లీడ్ రోల్తో సినిమా చేస్తున్నాడు. సింగ్ ఎగైన్గా వస్తున్న సినిమాలో దీపికా పదుకొణె మెయిన్ లీడ్ రోల్ చేస్తుంది.. తాజాగా దీనికి సంబంధించిన ఫస్ట్ లుక్ని విడుదల చేశాడు రోహిత్ శెట్టి. ఇందులో దీపికా పదుకొణె లుక్ అదిరిపోయింది. పోలీస్ యూనిఫార్మ్ లో విలన్లు రఫ్ఫాడించి వారిపై కూర్చుని దీపికా ఇచ్చిన పోజ్ మైండ్ బ్లోయింగ్గా ఉంది.
డేరింగ్ స్మైల్ తో విలన్లు గుండెలు అదిరేలా దీపికా లుక్ మెస్మరైజ్ చేస్తోంది.విలన్ నోట్లో గన్ పెట్టి, తన తలకు గన్ పెట్టుకుని పోలీస్ డెవిల్లా దీపికా స్మైల్ ప్రస్తుతం తెగ వైరల్ అవుతుంది.దీపికా పదుకొణె ఫస్ట్ లుక్ షేర్ చేసిన రోహిత్ శెట్టి “మహిళ సీత రూపంలోనే కాదు దుర్గ అవతారం కూడా ఎత్తుతుంది. మా కాప్ యూనివర్స్ లోకి అడుగు పెట్టిన అతి క్రూరమైన, భయంకర పోలీస్ ఆఫీసర్ శక్తి శెట్టిని చూడండి. నా లేడీ సింగం దీపికా పదుకొణె” అని ఆయన రాసుకొచ్చాడు.కాగా రోహిత్ శెట్టి కాప్ యూనివర్స్ లో ఇదివరకు అజయ్ దేవగన్ (సింగం)అలాగే రణ్వీర్ సింగ్ (సింబా) మరియు అక్షయ్ కుమార్ (సూర్యవంశీ)తో సినిమాలు తెరకెక్కించాడు. ఇప్పుడు ఫస్ట్ టైమ్ మహిళా ప్రాధాన్యత చిత్రంగా సింగం ఎగైన్ సినిమాను తెరకెక్కిస్తున్నాడు రోహిత్ శెట్టి. కేవలం ఫస్ట్ లుక్తోనే ఈ సినిమా లో దీపికా క్యారెక్టర్ ఎలా ఉంటుందో రివీల్ చేశాడు రోహిత్ శెట్టి..దీంతో సినిమాపై అంచనాలు భారీగా పెరిగాయి.