LPG Cylinder Prices : వినియోగదారులకు షాక్.. భారీగా పెరిగిన గ్యాస్ సిలిండర్ ధర

LPG Cylinder Prices : చమురు మార్కెటింగ్ కంపెనీలు (OMCలు) శనివారం 19 కిలోల వాణిజ్య LPG గ్యాస్ సిలిండర్ ధరను పెంచుతున్నట్లు ప్రకటించాయి. సవరించిన ధరల ప్రకారం నేటి నుంచి రూ.39 పెరిగింది. పెంపుతో ఇప్పుడు ఢిల్లీలో 19 కిలోల కమర్షియల్ LPG గ్యాస్ సిలిండర్ రూ.1691.50కి అందుబాటులోకి రానుంది. అయితే 14 కిలోల డొమెస్టిక్ గ్యాస్ సిలిండర్ ధరలో చమురు కంపెనీలు ఎలాంటి మార్పు చేయకపోవడం కొంత ఊరటనిచ్చే అంశం. వాణిజ్య గ్యాస్ సిలిండర్ల ధరల పెంపు తర్వాత కొత్త రేట్లు కూడా వెలువడ్డాయి.

ఢిల్లీలో ధర రూ.39 పెరిగింది
కొత్త రేట్ల ప్రకారం నేటి నుంచి కమర్షియల్ ఎల్పీజీ సిలిండర్ ధర రూ.39 పెరిగింది. ఆ తర్వాత ఢిల్లీలో 19 కిలోల కమర్షియల్ గ్యాస్ సిలిండర్ ధర రూ.1691.50కి చేరింది.

Read Also:Off The Record : ఆ ఎమ్మెల్యే సొంత హామీలు..గెలిచి 9 నెలలు గడిచినా..!

ముంబై-కోల్‌కతాలో ధర ఎంత?
ఇండియన్ ఆయిల్ కంపెనీ (IOCL) వెబ్‌సైట్ ప్రకారం.. వాణిజ్య LPG సిలిండర్ల ధరల పెరుగుదల సెప్టెంబర్ 1వ తేదీ నుండి అమలులోకి వచ్చింది. ఆ తర్వాత ముంబైలో 19 కిలోల సిలిండర్ ధర రూ.1644కి చేరింది. గతంలో ముంబైలో వాణిజ్య సిలిండర్ ధర 1605 రూపాయలు. కోల్‌కతాలో వాణిజ్య సిలిండర్ ధర రూ.1764.50 నుంచి రూ.1802.50కి పెరిగింది. చెన్నైలో ఈ సిలిండర్ ఇప్పుడు రూ. 1855కి అందుబాటులో ఉంటుంది. ఇంతకుముందు దీని ధర రూ.1817. హైదరాబాద్ మహానగరంలో కమర్షియల్ గ్యాస్ సిలిండర్ ధర 1935 రూపాయలుగా నమోదు అయింది.

ఆగస్టులో కూడా పెరుగుదల
అంతకుముందు ఆగస్టులో కూడా ఎల్‌పిజి గ్యాస్ సిలిండర్ల ధరలను పెంచారు. ఆ సమయంలో 19 కిలోల వాణిజ్య LPG గ్యాస్ సిలిండర్ ధర రూ. 8.50 పెరిగింది. ఆ తర్వాత ఢిల్లీలో వాణిజ్య సిలిండర్ ధర రూ.1652.50కి పెరిగింది.

Read Also:Off The Record : తెలంగాణ బీజేపీకి కొత్త అస్త్రం.? అందుకే రేవంత్ రెడ్డిని టార్గెట్.?

జూలైలో తగ్గిన ధరలు
అయితే, రెండు నెలల క్రితం జూలై 1వ తేదీన చమురు కంపెనీలు ఎల్‌పిజి ధరలను తగ్గించాయి. దీంతో ఢిల్లీలో 19 కిలోల సిలిండర్ ధర రూ.30 తగ్గింది. ఆ సమయంలో ఢిల్లీలో వాణిజ్య సిలిండర్ ధర 1646 రూపాయలుగా ఉంది. కోల్‌కతాలో రూ.1756, చెన్నైలో రూ.1809.50, ముంబైలో రూ.1598గా మారింది.

డొమెస్టిక్ గ్యాస్​ సిలిండర్​ ధరల్లో మార్పు లేదు
కొన్ని నెలలుగా ఆయిల్ కంపెనీలు డొమెస్టిక్ గ్యాస్ సిలిండర్ ధరల్లో మాత్రం ఎలాంటి మార్పు చేయడం లేదు. ప్రస్తుతం ఢిల్లీలో 14.2 కిలోల సిలిండర్ ధర రూ.803గా ఉంది. అయితే ఉజ్వల లబ్ధిదారులకు మాత్రం రూ.603కే ఇది లభిస్తుంది. ముంబయిలో ఈ డొమెస్టిక్ గ్యాస్ సిలిండర్ ధర రూ.802.50; చెన్నైలో రూ.818.50; హైదరాబాద్​లో రూ.855; విశాఖపట్నంలో రూ.812గా ధర ఉంది.