Chandipura Virus : చండీపురా వైరస్ కారణంగా గుజరాత్‌లో 14 మంది మృతి

Chandipura Virus : గుజరాత్‌లోని పలు జిల్లాల్లో చండీపురా వైరస్ బీభత్సం సృష్టిస్తోంది. చండీపురా వైరస్ అనేది ఆర్ఎన్ఏ వైరస్, ఇది సాధారణంగా ఆడ ఫ్లెబోటోమైన్ ఫ్లై ద్వారా వ్యాపిస్తుంది. దోమలలో కనిపించే ఈడిస్ దాని వ్యాప్తికి కారణం. ఈ వైరస్ 2004 నుండి 2006 – 2019 సంవత్సరాలలో ఆంధ్రప్రదేశ్, మహారాష్ట్ర, గుజరాత్‌లలో వెలుగులోకి వచ్చింది. గుజరాత్‌లో ఇప్పటివరకు 27 అనుమానిత కేసులు నమోదయ్యాయి. వారిలో 14 మంది మరణించారు. గుజరాత్‌లోని 12 జిల్లాల్లో అనుమానిత కేసులు నమోదయ్యాయి. 27 కేసుల్లో 24 గుజరాత్‌కు చెందినవి కాగా, మిగతా మూడు ఇతర రాష్ట్రాల నుంచి గుజరాత్‌కు వచ్చాయి. చండీపురాలో వైరస్ కు సంబంధించి సబర్‌కాంత , ఆరావళిలో గరిష్ట కేసులు నమోదయ్యాయి. అనుమానాస్పద మరణాల నమూనాలను ల్యాబ్‌కు పంపినప్పుడు, నేషనల్ ఇన్‌స్టిట్యూట్ ఆఫ్ వైరాలజీ (NIV) నాలుగేళ్ల బాలికలో చండీపురా వైరస్‌ని నిర్ధారించింది.

చండీపురా వైరస్ లక్షణాలు ఏమిటి?
చండీపురా వైరస్ కారణంగా రోగి జ్వరం, తలనొప్పి, శరీర నొప్పి, తిమ్మిరి వంటి ఉంటాయి. ఇది ఫ్లూ వంటి లక్షణాలు, తీవ్రమైన మెదడువాపు వ్యాధిని కలిగి ఉంటుంది. కొంతమంది రోగులలో శ్వాస సమస్యలు, రక్తహీనత వంటి లక్షణాలు కూడా కనిపించాయి. ఈ వైరస్ ఈగల ద్వారా ఎక్కువగా వ్యాపిస్తుందని వైద్యులు చెబుతున్నారు. మొదటి 24 నుండి 72 గంటలు చాలా ముఖ్యమైనవి. ఎందుకంటే ఆ సమయంలో అది ప్రాణాంతకంగా మారుతుంది. ఈ లోపు ఆసుపత్రికి చేరుకుంటే చికిత్స సాధ్యమవుతుంది.

చండీపురా వైరస్‌ను ఎలా నివారించాలి?
చండీపురా వైరస్‌ను నిరోధించడానికి ఇసుక ఈగల బారినుంచి దూరంగా ఉండాలి. దీని కోసం పురుగుమందులను ఉపయోగించవచ్చు. ఈగలు, దోమలను నివారించడానికి నిండుగా దుస్తులు ధరించండి. దోమతెరలను ఉపయోగించాలి. అంతేకాకుండా, వైరస్ ప్రభావిత ప్రాంతాల ప్రజలకు చండీపురా వైరస్.. ప్రమాదాలు, నివారణ గురించి అవగాహన కల్పించడం ద్వారా దీని నుంచి రక్షణ పొందవచ్చు.

చండీపురా వైరస్‌కు చికిత్స ఏమిటి?
చండీపురా వైరస్‌కు నిర్దిష్ట యాంటీవైరల్ చికిత్స లేదా వ్యాక్సిన్ లేదు. లక్షణాలకు చికిత్స చేయడం, సమస్యలను నివారించడం ద్వారా మాత్రమే చండీపురా వైరస్ ను నివారించవచ్చు. తీవ్రమైన లక్షణాలతో బాధపడుతున్న రోగులు, ముఖ్యంగా పిల్లలు, తరచుగా ఆసుపత్రిలో చేరతారు. వాంతులు అవుతున్న సమయంలో శరీరాన్ని హైడ్రేటింగ్ చేయడం చాలా ముఖ్యం. జ్వరం తగ్గడానికి మందులు వాడవచ్చు. శ్వాస తీసుకోవడం, నాడీ సంబంధిత సమస్యలు వంటి తీవ్రమైన నాడీ సంబంధిత లక్షణాల విషయంలో ఇంటెన్సివ్ కేర్ అవసరం కావచ్చు.

చండీపురా వైరస్ అంటే ఏమిటి?
చండీపురా అనేది కొత్త వైరస్ కాదు. 1965లో మహారాష్ట్రలో తొలి కేసు నమోదైంది. గుజరాత్‌లో ప్రతి సంవత్సరం ఈ వైరస్ కేసులు నమోదవుతున్నాయి. ఈ వ్యాధి వెక్టర్-సోకిన సాండ్‌ఫ్లై కుట్టడం వల్ల వస్తుంది. ఇది ప్రధానంగా 9 నెలల నుండి 14 సంవత్సరాల మధ్య పిల్లలను ప్రభావితం చేస్తుంది. గ్రామీణ ప్రాంతాల్లో ఇది ఎక్కువగా కనిపిస్తుంది. దీని ప్రధాన లక్షణాలు జ్వరం, వాంతులు, విరేచనాలు, తలనొప్పి. ఈ లక్షణాలు కనిపిస్తే, వైద్యుడిని సంప్రదించాలి. రాష్ట్ర ప్రభుత్వం ప్రతి ఒక్కరికీ ఒక సలహా జారీ చేసింది.