Viral Video: రోటీ చేసిన బిలియనీర్.. బ్లాగర్‌తో కలిసి బిల్‌గేట్స్ చెఫ్ అవతారం
- Follow Us :
-
-
Add as a preferred
source on google
మైక్రోసాఫ్ట్ కో ఫౌండర్, బిలియనీర్ బిల్‌గేట్స్ భారతీయ వంటకం చేస్తే ఎలా ఉంటుంది.. అందులోనూ రోటీలు తయారు చేస్తే మరీ బాగుంటది కదా. తాజాగా ఈ బిలియనీర్ అదే పని చేశారు. ఆయన రోటీలు చేస్తున్న వీడియో ఒకటి సోష‌ల్ మీడియాలో వైర‌ల్‌గా మారింది. అమెరిక‌న్ సెల‌బ్రిటీ చెఫ్ ఐటన్ బెర్నాత్‌తో కలిసి బిల్ గేట్స్ రోటీ తయారు చేసేందుకు ప్రయత్నించడం ఈ వీడియోలో క‌నిపిస్తుంది. ఈ వీడియోను ట్విట్టర్‌లో పోస్ట్ చేసిన ఐటన్.. తానూ బిల్‌గేట్స్ కలిసి ఇండియ‌న్ రోటీని తయారు చేశామ‌ని రాసుకొచ్చాడు.
.@BillGates and I had a blast making Indian Roti together. I just got back from Bihar, India where I met wheat farmers whose yields have been increased thanks to new early sowing technologies and women from "Didi Ki Rasoi" canteens who shared their expertise in making Roti. pic.twitter.com/CAb86CgjR3
— Eitan Bernath (@EitanBernath) February 2, 2023
ఇటీవ‌ల భార‌త్‌లోని బీహార్‌కు వెళ్లి వ‌చ్చాన‌ని చెప్పా్డు ఐటన్. అలాగే అక్కడ గోధుమ రైతుల‌ను కలిసి సరికొత్త టెక్నాల‌జీతో పంట త్వరగా చేతికంద‌డం చూశాన‌ని అన్నాడు. దీదీ కీ ర‌సోయి క్యాంటీన్‌లో మ‌హిళ‌లు త‌న‌కు రోటీలు చేయ‌డంలో మెళ‌కువలు నేర్పించార‌ని ఈ పోస్ట్‌లో రాసుకొచ్చారు. ఈ వీడియోలో ఐటన్, బిల్‌గేట్స్ రోటీలు తయారు చేస్తుండ‌గా గేట్స్ రోటీని గుండ్రంగా చేయ‌లేక‌పోవ‌డం క‌నిపిస్తుంది. ఐటన్ ప‌ర్‌ఫెక్ట్‌గా రోటీలు తయారు చేయ‌డం.. ఆపై ఇద్దరూ వాటిని రుచిచూడ‌టం గ‌మ‌నించ‌వ‌చ్చు. ఇక గేట్స్ ప్రస్తుతం త‌న కుటుంబ స‌భ్యుల‌తో ఆనందంగా గ‌డప‌డంతో పాటు ఆరోగ్యం, ఏఐ, వాతావ‌ర‌ణ మార్పుల వంటి అంశాల‌పై దృష్టి సారించారు. రెండు ద‌శాబ్ధాల కింద‌ట చేప‌ట్టిన ప్రాజెక్టుల‌పై ప‌నిచేయ‌డం కొన‌సాగిస్తాన‌ని గేట్స్ ఇటీవ‌ల వెల్లడించారు.
Also Read: Viral Video: ‘నేను లాయర్’..సీటుపై కాలు తీయమన్నందుకు యువతి హల్‌చల్