India Housing Market: గృహమే కదా స్వర్గసీమ అన్నారు.. ప్రతీ వ్యక్తి జీవితంలో ఇల్లుకు ప్రత్యేక స్థానం ఉంది.. అయితే, మునుపటి తరహాలో పదవీ విరమణ దగ్గర ఇల్లు కొని సుఖపడుదాం అనే దృక్పథం మారింది. నేటి యువత 25 ఏళ్లలోనే సొంత ఇల్లు కలిగి ఉండాలని కలలు కంటున్నారు. బేసిక్ హోమ్ లోన్ రూపొందించిన “హౌ ఇండియా ఫైనాన్స్ ఇట్స్ హౌసింగ్ డ్రీమ్స్” నివేదిక ప్రకారం.. 7,400 కంటే ఎక్కువ మంది ప్రస్తుత మరియు భవిష్యత్తు గృహ కొనుగోలుదారుల అభిప్రాయాల ఆధారంగా, ఈ గణాంకాలు సేకరించారు..
నివేదిక ప్రకారం, డిజిలాకర్ గృహ రుణ వినియోగదారులలో దాదాపు 80 శాతం మంది 35 ఏళ్ల లేదా అంతకంటే తక్కువ వయస్సు గలవారు. డిజిటల్ రుణ ప్రక్రియ ద్వారా పేపర్ వర్క్ తగ్గడం, తక్షణ రుణ ఆమోదం, పారదర్శకత.. ఇలా యువతకు ఇంటి కలను సులభతరం చేస్తున్నాయి. బేసిక్ హోమ్ లోన్స్ సీఈవో అతుల్ మోంగా, ఈ డిజిటల్ ప్రాధాన్యత గృహ మరియు బ్యాంకింగ్ పర్యావరణాన్ని మారుస్తోందని విశ్వసిస్తున్నారు.
ఇక, గృహ కొనుగోలు పోటీ కేవలం ముంబై, ఢిల్లీ వంటి ప్రధాన నగరాలకు పరిమితం కాకుండా, టైర్-2, టైర్-3 నగరాలు కూడా ఈ పోటీలో ముందంజలో ఉన్నాయి. మెరుగైన ఇంటర్నెట్ యాక్సెస్ మరియు డిజిటల్ సేవల వల్ల, చిన్న నగరాల యువత పెద్ద కలలను నెరవేర్చడానికి ధైర్యం మరియు ఉత్సాహం పొందుతున్నారు. ఇక్కడ రూ.11 లక్షల నుంచి రూ.20 లక్షల మధ్య ధరల ఇళ్లకు గణనీయమైన డిమాండ్ ఉంది, గృహ రుణ వ్యాప్తి దాదాపు 74 శాతానికి చేరుకుంది.
బడ్జెట్ మరియు నమ్మకం సవాళ్లు
అయితే, డిజిటల్ మార్పులు ఉన్నప్పటికీ, కొన్ని సమస్యలు కొనసాగుతున్నాయి. సర్వేలో పాల్గొన్న 76 శాతం మంది అధిక కాగితపు పని మరియు సరికాని అమ్మకాల పద్ధతులను ప్రధాన సమస్యలుగా గుర్తించారు. తక్కువ ఆదాయ కుటుంబాలు EMIలకు ఆదాయంలో 25 శాతం కేటాయించడం సరిగా అనుకుంటే, పెద్ద నగరాల్లో కొందరు EMIలకు 40 శాతం వరకు విరాళం ఇవ్వడానికి సిద్ధంగా ఉన్నారు. అయినప్పటికీ, కొంతమంది యువకులు పెద్ద డౌన్ పేమెంట్ మరియు ఆర్థిక బాధ్యత కారణంగా ఇల్లు కొనడానికి వెనుకాడుతున్నారు.