Parag Shah Turns Beggar: మహారాష్ట్రలో ఓ ఆసక్తికరమైన ఘటన చర్చనీయాంశంగా మారింది. రూ.3,400 కోట్లకు పైగా ఆస్తులు ఉన్న రాష్ట్రంలోని అత్యంత ధనిక ఎమ్మెల్యే ఒకరోజు సాధారణ బిచ్చగాడిగా మారారు. అంతేకాదు.. రోడ్లపై తిరుగుతూ భిక్షాటన చేసి, ఆ భిక్షతోనే భోజనం చేశారు. ఈ ఘటనకు సంబంధించిన వివరాలు ప్రస్తుతం సోషల్ మీడియాలో, ప్రజల్లో చర్చకు దారితీశాయి. మనం మాట్లాడుతున్నది మహారాష్ట్రలోని ఘాట్కోపర్ ఈస్ట్ నియోజకవర్గ ఎమ్మెల్యే పరాగ్ షా గురించి. సామాజిక, ఆధ్యాత్మిక అనుభవం కోసం ఆయన బిచ్చగాడి వేషం ధరించి ప్రజల్లోకి వెళ్లారు. సాధారణ వ్యక్తిలా బహిరంగ ప్రదేశాల్లో తిరిగిన ఆయనను మేకప్, వేషధారణ కారణంగా చాలామంది గుర్తించలేకపోయారు.
గురువు సూచనతో బిచ్చగాడిగా మారిన ఎమ్మెల్యే
సమాచారం ప్రకారం.. జైన మతంలో జరిగే చాతుర్మాస కార్యక్రమాల సందర్భంగా పరాగ్ షా తన గురువు నమ్రముని సూచన మేరకు ఈ ప్రయోగం చేశారు. పేదవాడి జీవితం, అతడు ఎదుర్కొనే పరిస్థితులను దగ్గరగా అర్థం చేసుకోవాలంటే ఒకరోజు బిచ్చగాడిగా జీవించాలని గురువు సూచించినట్లు తెలుస్తోంది. దీంతో పరాగ్ షా తన సాధారణ భద్రతా సిబ్బంది, ఇతర సౌకర్యాలకు దూరంగా ఉంటూ మేకప్ సహాయంతో బిచ్చగాడి వేషం ధరించారు. అనంతరం వివిధ ప్రాంతాల్లో తిరుగుతూ ప్రజలను కలిశారు. వారి నుంచి భిక్ష స్వీకరించి, అదే ఆహారంతో భోజనం చేశారు.
ఈ అనుభవం పూర్తయ్యాక కొన్ని ప్రాంతాలకు పరాగ్ షా మళ్లీ వెళ్లినట్లు సమాచారం. ఈసారి తన అసలు పరిచయాన్ని వెల్లడించి అక్కడి ప్రజలతో మాట్లాడారు. తాను బిచ్చగాడి వేషంలో ఉన్నప్పుడు ఎదురైన అనుభవాలను, ప్రజల స్పందనను వారితో పంచుకున్నారు.
సామాజిక చర్చకు దారితీసిన ఘటన
పరాగ్ షా చేసిన ఈ ప్రయోగం ప్రస్తుతం చర్చనీయాంశంగా మారింది. దీనిని ఒక వ్యక్తిగత, ఆధ్యాత్మిక అనుభవంగా కొందరు చూస్తున్నారు. సమాజంలోని పేదవర్గాల జీవన పరిస్థితులను అర్థం చేసుకునే ప్రయత్నంగా మరికొందరు భావిస్తున్నారు. అయితే, ఒక వ్యక్తి జీవితంలోని కష్టాలను కేవలం కొన్ని గంటలు లేదా ఒకరోజు అనుభవించడం ద్వారా పూర్తిగా అర్థం చేసుకోవచ్చా అనే ప్రశ్న కూడా తలెత్తుతోంది. ఈ కారణంగానే పరాగ్ షా బిచ్చగాడిగా మారిన ఘటన వ్యక్తిగత అనుభవాన్ని దాటి సామాజిక చర్చకు దారితీస్తోంది.
घाटकोपर चे कोट्याधीश आमदार पराग शहा जेव्हा वेषांतर करून घाटकोपर च्या रस्त्यावर भिकारी बनून फिरतात…!!!
आपल्या गुरूने दिलेली आज्ञा पाळून पाच हजार कोटी चे मालक असलेले आमदार पराग शहा यांनी एक दिवस त्यांच्या मतदार संघ घाटकोपर पूर्व मध्ये भिकारी बनून दिवस काढला..!!
तेव्हा काय घडले पहा pic.twitter.com/eEXw9I1joo— Siyadivinelybeautyful 🇮🇳 (@Siya83377032) September 13, 2026