క్యాన్సర్ తో పోరాడి ఓడిన సీనియర్ హాలీవుడ్ యాక్టర్…

సీనియర్ హాలీవుడ్ నటుడు, గాయకుడు శామ్యూల్ ఎడ్వర్డ్ రైట్ మే 24వ తేదీన మరణించాడు. న్యూయార్క్ లోని వాల్డన్ లో ఉన్న ఆయన స్వంత ఇంట్లో శామ్యూల్ తుది శ్వాస విడిచాడు. ఆయన మరణానికి కారణం ప్రొస్ట్రేట్ క్యాన్సర్ అని అతడి కూతురు ప్రకటించింది. అయితే, 1989లో విడుదలైన ‘ద లిటిల్ మెర్మెయిడ్’ సినిమాలో ‘సెబాస్టియన్ ద క్రాబ్’ పాత్రకిగానూ శామ్యూల్ ఫేమస్. డిస్నీ వారి ఆ యానిమేషన్ మూవీకి ఆయన వాయిస్ అందించాడు. ఇక ‘ద లిటిల్ మెర్మెయిడ్’ సినిమాలోనే ‘అండర్ ద సీ’ పాటకిగానూ ఆయన అకాడమీ అవార్డ్ కూడా అందుకున్నాడు. నటుడు, గాయకుడు కూడా అయిన శామ్యూల్ ఎడ్వర్డ్ ‘చార్లీ పార్కర్’ బయోగ్రఫికల్ ఫిల్మ్ లో డిజ్జీ గెలెస్పీ పాత్ర కూడా అద్భుతంగా పొషించాడు. ఇక డిస్నీ వారి ఫేమస్ మూవీ ‘ ద లయన్ కింగ్’లో ముసాఫా రోల్ కి కూడా ఈయనే వాయిస్ ఇచ్చాడు! ఒరిజినల్ ‘ద లయన్ కింగ్’ మూవీలోని శామ్యూల్ ఎడ్వర్డ్ వాయిస్ చాలా చాలా ఫేమస్!