పాన్ ఇండియా చిత్రానికి శేఖర్ కమ్ముల రెడీ అవుతున్నాడా?

టాలీవుడ్ సెన్సిబుల్ డైరెక్టర్ శేఖర్ కమ్ముల మేకింగ్ అండ్ టేకింగ్ స్టైల్ పూర్తిగా వేరే. ఆయన సినిమా జోనర్స్ అన్నీ క్లాస్‌గా ఉంటాయి. అంతేకాదు కమర్షియల్ సినిమా తీస్తేనే జనం చూస్తారన్న రూల్స్ పెట్టుకోడు. సంవత్సరానికి ఇన్ని సినిమాలు చేయాలి అని లెక్కలేమీ ఉండవు. కొత్త వాళ్ళతో సినిమా చేసి హిట్ కొట్టగలడు. స్టార్స్ తో సినిమా తీసి హిట్ కొట్టగలడు. ప్రస్తుతం ఈ దర్శకుడు పాన్ ఇండియా సినిమా దర్శకుడిగా మారబోతున్నాడా? అంటే, అవుననే సమాధానం కూడా దొరుకుతోంది. ప్రస్తుతం ఆయన ‘లవ్ స్టోరీ’ సినిమా చేస్తున్న సంగతి తెలిసిందే. ఈ చిత్రాన్ని తెరకెక్కించిన ఏషియన్ సినిమాస్ శేఖర్ కమ్ములతో పాన్ ఇండియా చిత్రాన్ని ప్లాన్ చేస్తున్నారని సమాచారం. కోలీవుడ్ స్టార్ హీరో ధనుష్ తో శేఖర్ కమ్ముల తెలుగు, తమిళ, హిందీ భాషల్లో ఈ సినిమా చేయనున్నాడని తెలుస్తోంది. ధనుష్ కూడా హిందీలో మంచి మార్కెట్ ఉండటం కలిసొచ్చే అంశం. త్వరలోనే ఈ ప్రాజెక్ట్ పై ప్రకటన రానుందని సమాచారం.