మెగాస్టార్ స్పెషల్ ఫోటోషూట్… పిక్స్ వైరల్

మెగాస్టార్ చిరంజీవి తాజా ఫోటోషూట్ వైరల్ గా మారింది. ఈ ఫోటోలు చూస్తుంటే మెగాస్టార్ రోజురోజుకూ యంగ్ అయిపోతున్నట్టు కన్పిస్తున్నాయి. ఈ పిక్స్ లో చిరు కూల్ గా, స్టైలిష్ అండ్ డాషింగ్ లుక్ లో ఆకట్టుకుంటున్నాడు. ఇక మరికొన్ని రోజుల్లోనే చిరంజీవి పుట్టినరోజు ఉండడంతో… మెగా అభిమానులు ఇప్పటి నుంచే తమ అభిమాన నటుడి బర్త్ డేను గ్రాండ్ గా సెలెబ్రేట్ చేయాలని సన్నాహాలు చేసుకుంటున్నారు. ఆగస్టు 22 న మెగాస్టార్ చిరంజీవి పుట్టినరోజు. చిరు బర్త్ డే సందర్భంగా అభిమానులను థ్రిల్ చేయడానికి అద్భుతమైన అప్‌డేట్‌లు రాబోతున్నాయి. ప్రస్తుతం ఆయన “ఆచార్య” షూటింగ్ లో బిజీగా ఉన్నారు. ఈ సినిమా షూటింగ్ ను త్వరలోనే కంప్లీట్ చేసి “లూసిఫర్” రీమేక్ పై దృష్టి పెట్టనున్నారు. ఆ తరువాత వెంటనే “వేదాళం” రీమేక్ కూడా పట్టాలెక్కనుంది.

Read Also : మహేష్ తో “అర్జున్ రెడ్డి” డైరెక్టర్ సినిమా… ఎప్పుడంటే ?

మెగాస్టార్ పుట్టినరోజు సందర్భంగా “ఆచార్య” నుంచి పోస్టర్, “లూసిఫర్” తెలుగు రీమేక్ ఫస్ట్ లుక్ కూడా రిలీజ్ అవుతాయని మెగా ఫ్యాన్స్ ఆశిస్తున్నారు. ఆ స్పెషల్ డే రోజున ఆయన సినిమా నుంచి రిలీజ్ అయ్యే అప్డేట్లు మెగా ఫ్యాన్స్ కు మరింత ప్రత్యేకం అవుతాయి. చిరు 153 “లూసిఫర్” రీమేక్ షూటింగ్ ఆగస్టు 13 నుంచి ప్రారంభం కానుంది. మరోవైపు “భీమ్లా నాయక్” ఫస్ట్ సింగిల్ ను కూడా అదే రోజున విడుదల చేయాలని భావిస్తున్నట్టు తెలుస్తోంది.