సల్మాన్ ఖాన్ సోదరి అర్పితకు కరోనా పాజిటివ్

సల్మాన్ ఖాన్ సోదరి అర్పితకు కోవిడ్ పాజిటివ్ గా నిర్ధారణ అయ్యింది. ఈ విషయాన్ని సల్మాన్ ఓ ప్రముఖ మీడియాతో ప్రస్తావించారు. సల్మాన్ మాట్లాడుతూ “నా సోదరి అర్పితకు కరోనా పాజిటివ్ గా నిర్ధారణ అయ్యింది. కరోనా వైరస్ సెకండ్ వేవ్ చాలా ప్రమాదకరమైనది. ఇంతకు ముందు ఎవరెవరికో కరోనా వచ్చిందని మేము విన్నాము. కానీ ఈసారి మా కుటుంబంలో కోవిడ్ కేసులు ఉన్నాయి. ఇంతకుముందు మా ఇంటి డ్రైవర్లకు కరోనా సోకింది. కానీ ఈసారి అది చాలా మందికి సోకుతోంది” అని వెల్లడించాడు. కోవిడ్-19 జాగ్రత్తలు తీసుకోవడం గురించి చెబుతూ కరోనాను తేలికగా తీసుకోవద్దని ప్రజలను హెచ్చరించారు సల్మాన్. కోవిడ్ -19 సంక్షోభ సమయంలో ఎంతోమంది సహాయం కోరుతున్నారని, 25,000 నుండి 50,000 వరకు సినీ కార్మికులకు ఆహారం, మందులను అందిస్తున్నామని సల్మాన్ తెలిపారు.