పవర్ స్టార్ పవన్ కళ్యాణ్ రీఎంట్రీ మూవీ ‘వకీల్ సాబ్’. వేణు శ్రీరామ్ దర్శకత్వంలో దిల్ రాజు నిర్మించిన ఈ చిత్రం ఈ నెల 9న విడుదలై బ్లాక్ బస్టర్ హిట్ అయ్యింది. థమన్ సంగీతం అందించిన ఈ సినిమాలో అనన్య నాగళ్ళ, నివేతా థామస్, అంజలి కీలక పాత్రలు పోషించగా పవన్ కి జోడీగా శృతి హాసన్ కనిపించింది. ప్రకాష్ రాజ్ లాయర్ గా ఓ పవర్ ఫుల్ రోల్ లో కనిపించారు. ఈరోజు నుంచి ఈ చిత్రం అమెజాన్ ప్రైమ్ లో విడుదల అవుతోంది. తాజాగా ‘వకీల్ సాబ్’ నుంచి అందరి మనసులను దోచేసిన ‘మగువా మగువా’ ఫిమేల్ వెర్షన్ కు సంబంధించిన వీడియో సాంగ్ ను విడుదల చేశారు మేకర్స్. ఈ సాంగ్ సినిమా విడుదలకు ముందే అందరి మదిలో చోటు సంపాదించుకుంది. సినిమాలో మాత్రం ఈ సాంగ్ ప్రేక్షకులను ఎమోషనల్ గా కట్టిపడేసింది. ‘మగువా మగువా’ ఫిమేల్ వెర్షన్ వీడియో సాంగ్ కోసం ఎంతగానో ఎదురు చూసేలా చేసింది. తాజాగా విడుదలైన ‘మగువా మగువా’ ఫిమేల్ వెర్షన్ వీడియో సాంగ్ ను మీరు కూడా వీక్షించండి.
