విశ్వనటుడు కమల్ హాసన్ నటించిన లేటెస్ట్ మూవీ “ఇండియన్ 2 “.స్టార్ డైరెక్టర్ శంకర్ ఈ సినిమాను తెరకెక్కిస్తున్నాడు.గతంలో భారీ విజయం సాధించిన “ఇండియన్ ” సినిమాకు సీక్వెల్ గా “ఇండియన్ 2 ” సినిమా తెరకెక్కింది.ఈ సినిమాను లైకా ప్రొడక్షన్స్, రెడ్ జెయింట్ సంస్థలు కలిసి సంయుక్తంగా భారీ బడ్జెట్తో నిర్మించాయి. ఈ చిత్రంపై ప్రేక్షకులలో భారీ అంచనాలు ఉన్నాయి.ఈ సినిమాలో కమల్ మరోసారి అవినీతికి వ్యతిరేకంగా పోరాడే సేనాపతిగా పవర్ ఫుల్ పాత్రలో కనిపించనున్నారు.ఈ సినిమాలో కాజల్ ,రకుల్ ప్రీత్ సింగ్,సిద్దార్థ్ ప్రధాన పాత్రలలో నటిస్తున్నారు.అలాగే ఎస్జే సూర్య, బాబీ సింహా, మనోబాల, బ్రహ్మానందం మరియు సముద్రఖని వంటి తదితరులు ముఖ్య పాత్రలు పోషిస్తున్నారు.దీంతో ఈ సినిమా విడుదలపై ప్రేక్షకులు ఎంతో ఆసక్తిగా ఎదురుచూస్తున్నారు.
అయితే ఈ సినిమాను వరల్డ్వైడ్గా జూన్లో రిలీజ్ చేయనున్నట్లు మేకర్స్ అనౌన్స్ చేసారు. అయితే రిలీజ్ డేట్ ను మాత్రం ప్రకటించలేదు..చిత్ర యూనిట్ ఈ సినిమాను ఇప్పుడు మరో నెల వాయిదా వేసే ఆలోచనలో ఉందని తెలుస్తుంది.ప్రభాస్ నటించిన ‘కల్కి’ చిత్రం జూన్ 27న విడుదలవుతుండటం తో ఇండియన్ 2 చిత్రాన్ని వాయిదా వేయనున్నట్లు తెలుస్తుంది .అలాగే పోస్ట్ ప్రొడక్షన్ వర్క్ కూడా కొంత పెండింగ్ ఉండటంతో ఈ సినిమాను వాయిదా వేస్తున్నట్టు ప్రచారం జరుగుతోంది. ఫైనల్గా మేకర్స్ ఇండియన్ 2 సినిమాను జులై 18న విడుదల చేసేందుకు సన్నాహాలు చేస్తున్నారని సమాచారం.అయితే ఈ కొత్త రిలీజ్ డేట్ను మేకర్స్ త్వరలోనే అఫీషియల్గా అనౌన్స్ చేయనున్నారు.