పాగల్ : “ఈ సింగిల్ చిన్నోడే” సాంగ్ రిలీజ్ డేట్

మాస్ కా దాస్ విశ్వక్ సేన్ హీరోగా నటిస్తున్న తాజా చిత్రం ‘పాగల్’. విశ్వక్ సరసన నివేదా పేతురాజ్ హీరోయిన్ గా నటిస్తుండగా సిమ్రాన్ చౌదరి ఈ చిత్రంలో ఒక పాత్రలో కనిపించనుంది. ఈ యూత్ ఫుల్ ఫుల్ యాక్షన్ ఎంటర్టైనర్ నరేష్ కుప్పిలి దర్శకత్వంలో తెరకెక్కనుంది. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ చిత్రాన్ని సమర్పిస్తున్నారు. బెక్కం వేణుగోపాల్ ఈ చిత్రాన్ని నిర్మిస్తున్నారు. కరోనా మహమ్మారి కారణంగా ఈ సినిమా విడుదల తేదీ వాయిదా పడింది. తాజాగా ఈ చిత్రం నుంచి అప్డేట్ ఇచ్చారు మేకర్స్. “ఈ కష్ట సమయంలో సింగిల్స్ అందరినీ మా బ్రాండ్ న్యూస్ సాంగ్ తో చిల్ చేయాలనుకుంటున్నాము. జూన్ 2న సాయంత్రం 5 గంటలకు ‘ఈ సింగిల్ చిన్నోడే’ సాంగ్ ను స్పెషల్ గా సింగిల్స్ కోసమే విడుదల చేయబోతున్నాం” అని తెలుపుతూ ఓ పోస్టర్ ను విడుదల చేశారు. ఇక ఇప్పటికే ఈ చిత్రం నుంచి విడుదలైన టీజర్ ఫ్రెష్ ఫీలింగ్ ను కలిగించింది. అందులో విశ్వక్ లుక్, డైలాగ్స్ సినిమాపై ఆసక్తిని పెంచేశాయి.