అశోక్ గల్లా మూవీ అప్డేట్… త్వరలోనే టైటిల్ టీజర్

టాలీవుడ్ సూపర్ స్టార్ మహేష్ బాబు మేనల్లుడు, గుంటూరు ఎంపి జయదేవ్ గల్లా పెద్ద కుమారుడు అశోక్ గల్లా టాలీవుడ్ ఎంట్రీ ఇవ్వబోతున్న విషయం తెలిసిందే. బెంగళూరు బ్యూటీ నిధి అగర్వాల్ ఈ చిత్రంలో హీరోయిన్ గా నటిస్తోంది. ఈ శ్రీరామ్ ఆదిత్య దర్శకత్వంలో రూపొందనున్న ఈ చిత్రంలో జగపతి బాబు, నరేష్ ముఖ్య పాత్రల్లో కనిపించనున్నారు. అశోక్ గల్లా తల్లి, సూపర్ స్టార్ కృష్ణ పెద్ద కుమార్తె పద్మావతి గల్లా అమర రాజా మీడియా & ఎంటర్టైన్మెంట్ బ్యానర్లో తన కొడుకు తొలి సినిమాను నిర్మిస్తున్నారు. యంగ్ మ్యూజిక్ డైరెక్టర్ గిబ్రాన్ ఈ చిత్రానికి సంగీతం అందిస్తున్నారు. రొమాంటిక్ ఎంటర్టైనర్ గా తెరకెక్కుతున్న ఈ చిత్రం మేజర్ పార్ట్ షూటింగ్ ఇప్పటికే పూర్తయ్యింది.

Also Read : కార్తికేయ కొత్త చిత్రం టైటిల్, ఫస్ట్ లుక్…!

తాజాగా ఈ చిత్రానికి సంబంధించిన అప్డేట్ ను ఇచ్చారు మేకర్స్. ఈ సినిమా టైటిల్ టీజర్‌ను జూన్ 23న లాంచ్ చేయనున్నట్లు ప్రకటించారు. ఇక ఈ విషయాన్నీ ప్రకటిస్తూ మేకర్స్ విడుదల చేసిన పోస్టర్లో అశోక్ లుక్ చూస్తుంటే… మహేష్ ‘టక్కరి దొంగ’ లుక్ గుర్తుకు వస్తోంది. సూపర్ స్టార్ ఫ్యామిలీ నుంచి వచ్చిన యంగ్ హీరో సుధీర్ బాబు మొదటినుంచీ విభిన్నమైన చిత్రాలను ఎంచుకుంటూ తనకంటూ ఓ ప్రత్యేకమైన గుర్తింపును సొంతం చేసుకున్నారు. మరి అశోక్ తన మొదటి చిత్రంతో ప్రేక్షకులను ఏ మేరకు ఆకట్టుకుంటాడో చూడాలి.