వెన్నెల కిషోర్, అనన్య నాగళ్ల లీడ్ రోల్స్ లోనటిస్తున్న అప్ కమింగ్ క్రైమ్-కామెడీ థ్రిల్లర్ ‘శ్రీకాకుళం షెర్లాక్ హోమ్స్’. ఈ సినిమాకి రైటర్ మోహన్ దర్శకత్వం వహిస్తున్నారు. శ్రీ గణపతి సినిమాస్ పతాకంపై వెన్నపూస రమణా రెడ్డి ఈ సినిమాను నిర్మిస్తుండగా లాస్యారెడ్డి సమర్పిస్తున్నారు. ఇప్పటికే ఈ సినిమా ఫస్ట్ లుక్ పోస్టర్, సాంగ్స్ కి ప్రేక్షకుల్లో మంచి రెస్పాన్స్ వచ్చింది. తాజాగా చిత్ర నిర్మాతలు ఈ సినిమా రిలీజ్ డేట్ అప్డేట్ ప్రకటించారు. ఈ సినిమాను డిసెంబర్ 25 న క్రిస్మస్ కానుకగా ‘శ్రీకాకుళం షెర్లాక్ హోమ్స్’ను ప్రపంచవ్యాప్తంగా ‘వంశీ నందిపాటి’ విడుదల చేస్తున్నారు. రిలీజ్ డేట్ పోస్టర్ సినిమా యొక్క థ్రిల్లింగ్ ప్రిమైజ్ ని సూచిస్తోంది. వెన్నెల కిషోర్ ఈ సినిమాలో షార్ఫ్ డిటెక్టివ్‌గా కనిపించనున్నారు.
Also Read : RGV : రామ్ గోపాల్ వర్మ అరెస్ట్ పై స్పందించిన లీగల్ టీమ్
2018, పొలిమేర, కమిటీ కుర్రాళ్ళు, క లాంటి బ్లాక్ బస్టర్ చిత్రాలని సక్సెస్ ఫుల్ గా రిలీజ్ చేసిన ప్రొడ్యూసర్ వంశీ నందిపాటి ‘శ్రీకాకుళం షెర్లాక్ హోమ్స్’ చిత్రాన్ని వంశీ నందిపాటి ఎంటర్టైన్మెంట్స్ ద్వారా గ్రాండ్ గా విడుదల చేయనున్నారు. సీయా గౌతమ్‌ మరో హీరోయిన్ గా నటిస్తుండగా, స్నేహ గుప్తా, రవితేజ మహద్యం, బాహుబలి ప్రభాకర్‌, మురళీధర్‌ గౌడ్‌ కీలక పాత్రల్లో కనిపించనున్నారు. ఈ చిత్రానికి ట్యాలెంటెడ్ టెక్నిషియన్స్ పని చేస్తున్నారు. సునీల్ కశ్యప్ సంగీతం అందిస్తున్నారు. మల్లికార్జున్ సినిమాటోగ్రఫీ, అవినాష్ గుర్లింక్ ఎడిటర్. రామజోగయ్య శాస్త్రి, కాసర్ల శ్యామ్ సాహిత్యాన్ని అందించగా, బేబీ ఫేం సురేష్ బిమగాని ఆర్ట్ డైరెక్టర్‌గా పనిచేస్తున్నారు. రాజేష్ రామ్ బాల్ ఈ చిత్రానికి ఎగ్జిక్యూటివ్ నిర్మాత.