Indian Navy 2023: ఇండియన్ నేవీలో భారీగా ఉద్యోగాలు.. అర్హతలు, జీతం?

నేవిలో ఉద్యోగం చెయ్యాలని ఎదురుచూస్తున్నారా? అయితే మీకు గుడ్ న్యూస్.. నేవిలో ఉద్యోగాలను భర్తీ చేసేందుకు తాజాగా మరో నోటిఫికేషన్ ను విడుదల చేశారు.. ఈ నోటిఫికేషన్ ప్రకారం ఇండియన్ నేవీ 900 కంటే ఎక్కువ పోస్టుల కోసం దరఖాస్తులను ఆహ్వానించింది.. 42 ఛార్జిమాన్, 258 సీనియర్ డ్రాఫ్ట్స్‌మన్ మరియు 610 ట్రేడ్స్‌మన్ మేట్ పోస్టులు ఉన్నాయి. నేవీ సివిలియన్ ఎంట్రన్స్ టెస్ట్ కోసం దరఖాస్తు ప్రక్రియ ఈ రోజు నుండి అంటే డిసెంబర్ 18 నుండి ప్రారంభమైంది.. ఆసక్తి కలిగిన అభ్యర్థులు వెబ్‌సైట్ joinindiannavy.gov.in ని సందర్శించి ఆన్‌లైన్ దరఖాస్తును సమర్పించాలి.. ఈ నెల 31 చివరి తేదీ..

అర్హతలు..

ఛార్జ్‌మెన్ – ఫిజిక్స్, కెమిస్ట్రీ లేదా మ్యాథ్స్‌లో బిఎస్ డిగ్రీ లేదా సంబంధిత విభాగంలో డిప్లొమా.

సీనియర్ డ్రాఫ్ట్స్‌మన్ – సంబంధిత ట్రేడ్‌లో డిప్లొమా సర్టిఫికెట్‌తో 10వ తరగతి ఉత్తీర్ణత.

ట్రేడ్స్‌మన్ మేట్ – ఐటీఐ సర్టిఫికెట్‌, 10వ తరగతి ఉత్తీర్ణత పొంది ఉండాలి..

అప్లికేషన్ ఫీజు..

రూ. 295 రుసుము చెల్లించాలి. SC, ST, PWDB, ఎక్స్-సర్వీస్‌మెన్ మరియు మహిళా అభ్యర్థులకు మినహాయింపు ఉంటుంది..

ఎంపిక ప్రక్రియ..

అభ్యర్థులు రిక్రూట్‌మెంట్ ప్రక్రియలో భాగంగా రాత పరీక్షకు హాజరు కావాలి. పరీక్ష కంప్యూటర్ ఆధారిత విధానంలో ఉంటుంది. ఇందులో హిందీ, ఇంగ్లిష్ భాషల్లో బహుళైచ్ఛిక తరహా ప్రశ్నలు ఉంటాయి..  వాటిలో ఉత్తీర్ణత సాదించాలి.. ఈ ఉద్యోగాల గురించి మరింత సమాచారం కోసం అధికార వెబ్ సైటును పరిశీలించగలరు..