ఏప్రిల్ 23, 2026న BMW Motorrad తన అత్యంత ఆకర్షణీయమైన అడ్వెంచర్ బైక్ F 450 GSను భారతదేశంలో అధికారికంగా లాంచ్ చేసింది. ఇది BMW ఎంట్రీ-లెవల్ GS సిరీస్లో కొత్త అధ్యాయం. G 310 GS స్థానంలో వచ్చిన ఈ బైక్, 420cc ట్విన్ సిలిండర్ ఇంజిన్తో ప్రీమియం అనుభవాన్ని అందిస్తుంది. రూ.4.70 లక్షల (ఎక్స్-షోరూమ్) ప్రారంభ ధరతో విడుదల చేసింది. లిమిటెడ్ అడ్వెంచర్ బైక్ (ADV)గా రూపొందించబడిన ఈ బైక్, ఆఫ్-రోడింగ్, రోజువారీ ఉపయోగం కోసం బెస్ట్ ఆప్షన్ గా ఉండనుంది.
BMW F 450 GS, కంపెనీ సుపరిచితమైన GS డిజైన్ను కలిగి ఉండి, దానికి దృఢమైన, విలక్షణమైన రూపాన్ని ఇస్తుంది. దీని ముందు భాగంలో X-ఆకారపు ఫుల్ LED హెడ్లైట్ ఉంటుంది. అదనంగా, దీని విలక్షణమైన ముందు భాగం, బాడీ ప్యానెల్స్ దీనికి ఒక అడ్వెంచర్ బైక్ అనుభూతిని ఇస్తాయి. బైక్ వెనుక భాగం సన్నగా ఉండి, 14-లీటర్ల ఇంధన ట్యాంక్ను కలిగి ఉంటుంది. BMW దీనిని బేస్, ఎక్స్క్లూజివ్, GS ట్రోఫీ అనే మూడు వేరియంట్లలో అందిస్తోంది, ఇవి విభిన్న రంగులు, చిన్న మార్పులతో వస్తాయి.
BMW F 450 GS కొత్తగా అభివృద్ధి చేయబడిన 450cc ట్విన్-సిలిండర్ ఇంజన్తో పనిచేస్తుంది. ఇది 48 hp, 43 Nm టార్క్ను ఉత్పత్తి చేస్తుంది. ఈ ఇంజన్ 6-స్పీడ్ గేర్బాక్స్తో జత చేశారు. సున్నితమైన ప్రయాణం కోసం ప్రత్యేక సాంకేతికతను కలిగి ఉంది. BMW F 450 GS గరిష్ట వేగం 165 km/h. క్లచ్ను నొక్కకుండానే గేర్లు మార్చడానికి వీలు కల్పించే షిఫ్ట్ అసిస్టెంట్ ప్రో, ఈఆర్సి (ERC) ఫీచర్ను కూడా కంపెనీ చేర్చింది. ఈ ఫీచర్ తక్కువ వేగంతో రైడింగ్ చేయడాన్ని సులభతరం చేసి, రైడర్ అలసటను తగ్గిస్తుంది. బ్రేకింగ్ విషయానికి వస్తే, ముందువైపు 4-పిస్టన్ కాలిపర్తో కూడిన సింగిల్ డిస్క్, వెనుకవైపు ABS ప్రో సపోర్ట్తో కూడిన డిస్క్ బ్రేక్ ఉన్నాయి.
మెరుగైన ఆఫ్-రోడింగ్ కోసం, దీనికి డ్యూయల్-పర్పస్ టైర్లతో కూడిన 19-అంగుళాల ముందు, 17-అంగుళాల వెనుక చక్రాలు ఉన్నాయి. ఈ బైక్ సీట్ ఎత్తు 845mm, వీల్బేస్ 1465mm, గ్రౌండ్ క్లియరెన్స్ 220mmగా ఉంది.
ఈ మోటార్సైకిల్లో బ్లూటూత్ కనెక్టివిటీ, మల్టీ-కంట్రోలర్ సపోర్ట్తో కూడిన 6.5-అంగుళాల TFT డిస్ప్లే ఉంది. విభిన్న భూభాగాలకు అనుగుణంగా రైడర్లు రైన్, రోడ్, ఎండ్యూరో, ఎండ్యూరో ప్రో అనే నాలుగు రైడింగ్ మోడ్లను పొందుతారు. BMW ఈ కొత్త బైక్ను బేస్, ఎక్స్క్లూజివ్, GS ట్రోఫీ అనే మూడు వేరియంట్లలో అందిస్తోంది. బేస్ వేరియంట్లో ప్రాథమిక ఫీచర్లు ఉండగా, టాప్ వేరియంట్లు రైడింగ్ మోడ్స్ ప్రో, క్విక్షిఫ్టర్, హ్యాండ్గార్డ్స్, మెరుగైన లుక్ వంటి ఫీచర్లను అందిస్తున్నాయి.