Aprilia SXR GT 125, SXR GT 175 Launched in India: ప్రముఖ ప్రీమియం టూ-వీలర్ తయారీ సంస్థ Aprilia SXR మ్యాక్సీ-స్కూటర్ లైనప్‌ను అప్‌డేట్ చేస్తూ కొత్త SXR GT రేంజ్ ను మార్కెట్లోకి తీసుకొచ్చింది. ఇందులో SXR GT 125, SXR GT 175 మోడళ్లు ఉన్నాయి. గతంలో అందుబాటులో ఉన్న SXR 125, SXR 160 స్కూటర్ల స్థానాన్ని ఈ కొత్త GT మోడళ్లు భర్తీ చేయనున్నాయి. కొత్త SXR GT స్కూటర్లలో డిజైన్‌తో పాటు ఇంజిన్, ఫీచర్లు, వీల్స్ వంటి అంశాల్లో మార్పులు చేశారు. ఇప్పటికే SR 125, SR 175 మోడళ్లలో ఉపయోగిస్తున్న అప్‌డేటెడ్ ఇంజిన్లను ఈ కొత్త స్కూటర్లలో కూడా అందించారు.
రెండు ఇంజిన్ ఆప్షన్లలో SXR GT
Aprilia SXR GT 125లో 124.5cc సింగిల్ సిలిండర్ ఇంజిన్ ఉంటుంది. ఈ ఇంజిన్ 7,400rpm వద్ద 10.6hp పవర్, 6,200rpm వద్ద 10.4Nm టార్క్ ఉత్పత్తి చేస్తుంది. మరోవైపు SXR GT 175లో 174.7cc ఎయిర్-కూల్డ్ సింగిల్ సిలిండర్ ఇంజిన్‌ను అందించారు. ఇది 7,200rpm వద్ద 13.3hp పవర్, 6,000rpm వద్ద 14.1Nm టార్క్ ఇస్తుంది. రెండు ఇంజిన్లు BS6 OBD-II Stage B ఉద్గార ప్రమాణాలకు అనుగుణంగా ఉన్నాయని కంపెనీ తెలిపింది. అలాగే E20 ఇంధనాన్ని కూడా ఉపయోగించవచ్చు.
14-ఇంచుల పెద్ద వీల్స్
కొత్త SXR GT స్కూటర్ల డిజైన్‌ను గతంలో నిలిపివేసిన SXR మోడళ్ల తరహాలోనే కొనసాగించారు. అయితే ఇప్పుడు వీటిలో 14-ఇంచుల పెద్ద వీల్స్ అందించారు. పెద్ద వీల్స్ కారణంగా స్కూటర్‌కు మెరుగైన స్టెబిలిటీ, రైడింగ్ కంఫర్ట్ లభించే అవకాశం ఉంది. ముఖ్యంగా నగర రోడ్లతో పాటు కొంత దూరం ప్రయాణించే సమయంలో కూడా ఇవి ఉపయోగపడేలా రూపొందించారు.
SXR GT 175లో అదనపు ఫీచర్లు
SXR GT 175లో ఫీచర్ల పరంగా మరిన్ని ప్రత్యేకతలు ఉన్నాయి. ఇందులో 5-ఇంచుల TFT డిస్‌ప్లే అందించారు. బ్లూటూత్ కనెక్టివిటీ ద్వారా స్మార్ట్‌ఫోన్‌ను స్కూటర్‌తో కనెక్ట్ చేసుకుని మ్యూజిక్, కాల్ కంట్రోల్స్ ఉపయోగించవచ్చు. అదనంగా టర్న్-బై-టర్న్ నావిగేషన్ సదుపాయం, హ్యాండిల్‌బార్‌పై అదనపు కంట్రోల్స్ ఉన్నాయి. సేఫ్టీ పరంగా సింగిల్-ఛానల్ ABS అందించారు. అలాగే కొత్త ఎగ్జాస్ట్ ఎండ్ పైప్‌తో పాటు హీట్ షీల్డ్ కూడా ఇచ్చారు.
SXR GT 125లో LCD డిస్‌ప్లే
SXR GT 125లో 5-ఇంచుల LCD ఇన్‌స్ట్రుమెంట్ క్లస్టర్ ఉంటుంది. బ్రేకింగ్ సేఫ్టీ కోసం ఇందులో CBS (Combined Braking System) అందించారు. 175cc వేరియంట్‌తో పోలిస్తే ఫీచర్ల విషయంలో 125cc మోడల్ కొంత సింపుల్‌గా ఉన్నప్పటికీ, మ్యాక్సీ-స్కూటర్ డిజైన్, పెద్ద వీల్స్ వంటి అంశాలను కొనసాగించారు.
ధరలు, బుకింగ్స్ ప్రారంభం
Aprilia SXR GT సిరీస్‌లోని రెండు స్కూటర్ల బుకింగ్స్ దేశవ్యాప్తంగా ప్రారంభమైనట్లు కంపెనీ తెలిపింది.
Aprilia SXR GT 125 – రూ.1.11 లక్షలు( ఎక్స్-షోరూమ్)
Aprilia SXR GT 175 – రూ.1.31 లక్షలు( ఎక్స్-షోరూమ్)
గత SXR 125, SXR 160 మోడళ్లతో పోలిస్తే కొత్త SXR GT రేంజ్‌లో ఇంజిన్ అప్‌డేట్, 14-ఇంచుల వీల్స్, కొత్త ఇన్‌స్ట్రుమెంట్ క్లస్టర్, కనెక్టివిటీ ఫీచర్లు, నావిగేషన్, ABS వంటి అంశాలను జోడించారు. దీంతో ప్రీమియం మ్యాక్సీ-స్కూటర్ విభాగంలో Aprilia తన SXR లైనప్‌ను మరింత ఆధునికంగా మార్చింది.