ఊపిరితిత్తుల క్యాన్సర్ భారతదేశంలో పురుషులను ప్రభావితం చేసే రెండవ అత్యంత సాధారణ క్యాన్సర్.
దేశంలో ఏటా సుమారు 58,000 మంది ఊపిరితిత్తుల క్యాన్సర్‌తో బాధపడుతున్నారని నివేదికలు చెబుతున్నాయి.
ఊపిరితిత్తుల క్యాన్సర్‌కు ధూమపానం ప్రధాన కారణం. సిగరెట్ పొగ ఊపిరితిత్తుల కణజాలాన్ని ప్రభావితం చేసే క్యాన్సర్ కారకాలను కలిగి ఉంటుంది.
ఇదే క్యాన్సర్‌కు కారణం. కానీ ధూమపానం చేసేవారికే కాదు.. వారి దగ్గర కూర్చున్న వారికీ కూడా ఈ వ్యాధి ఎక్కువగా సోకుతుంది.
ఈ క్యాన్సర్‌కు పర్యావరణ కారకాలు కూడా దోహదం చేస్తాయి. భారతదేశంలోని కేరళ, హిమాచల్ ప్రదేశ్, రాజస్థాన్, హిమాలయ ప్రాంతాలలో రాడాన్ ఉద్గారాలు ఎక్కువగా ఉన్నాయి.
అంతే కాకుండా ఆస్బెస్టాస్ తయారు చేసే కర్మాగారాల్లో పనిచేసే వారికి ఊపిరితిత్తుల క్యాన్సర్ వచ్చే ప్రమాదం కూడా ఎక్కువ.
ఊపిరితిత్తుల క్యాన్సర్ వచ్చే ప్రమాదంలో జన్యుశాస్త్రం కూడా పాత్ర పోషిస్తుంది. కుటుంబంలో ఎవరికైనా గతంలో ఊపిరితిత్తుల క్యాన్సర్ ఉంటే, వారు ఖచ్చితంగా జాగ్రత్తగా ఉండాలి.
ఊపిరితిత్తుల క్యాన్సర్ రాకుండా ఉండాలంటే ముందుగా పొగతాగడం మానేయాలి.
పరిసరాల్లో బహిర్గతమయ్యే క్యాన్సర్ కారకాల గురించి కూడా మనం జాగ్రత్తగా ఉండాలి. ఇంట్లో రాడాన్ ఉద్గారాలు ఎక్కువగా ఉంటే తగ్గించేందుకు చర్యలు తీసుకోవాలి.
ఆస్బెస్టాస్, ఇతర హానికరమైన రసాయన పరిశ్రమలలో కార్మికులు తగిన రక్షణ పరికరాలను ధరించాలి.
అదేవిధంగా, ఫ్యాక్టరీలు, వాహనాల నుంచి వచ్చే ఎగ్జాస్ట్ ఫ్యూమ్‌లను నియంత్రించడం ద్వారా గాలి నాణ్యతను మెరుగుపర్చాలి.