మన ఆరోగ్యాన్ని పెంపొందించే అద్భుతమైన మిల్లెట్లలో రాగులు కూడా ఒకటి.

వీటిలో అధిక ప్రోటీన్ ఉంటుంది, మధుమేహం సమస్య ఉన్నవారికి మంచి ఆహారం, అలాగే జీర్ణక్రియను ప్రోత్సహిస్తుంది, సహజంగా బరువు తగ్గించే ఏజెంట్లు ఉన్నాయి. 

వృద్ధాప్య సంకేతాలు దూరం చేసి చర్మాన్ని ఆరోగ్యంగా ఉంచడంలోనూ, జుట్టు పెరుగుదలకు కూడా రాగులు మంచివి. రాగుల్లో కాల్షియం పుష్కలంగా ఉంటుంది. 

బలమైన ఎముకలకు ఇది అవసరం, అందుకే రాగి వంటకాలు చాలా బలవర్ధకమైన ఆహారంగా చెప్తారు. తల్లి పాల ఉత్పత్తిని కూడా పెంచడానికి కూడా ఇది మంచి సూపర్‌ఫుడ్.

రాయలసీమ రుచుల్లో రాగిముద్ద ఎంతో స్పెషల్‌.. రాగిముద్ద, నాటుకోడి పులుసుతో తింటే ఆకిక్కే వేరబ్బా అంటుంటారు. 

రాగిపిండితో మనం రాగి జావ , రాగి సంకటి, రాగి రోటీ వంటివి సాధారణంగా చేసుకునే ఆహారాలు. మీరు ఉదయం బ్రేక్‌ఫాస్ట్ గా రాగి దోశ, రాగి ఇడ్లీలు కూడా చేసుకోవచ్చు. 

ఇవి కాకుండా రాగి ఉప్మా చేసుకోవచ్చని మీకు తెలుసా? ఉప్మా మనం రవ్వతో చేసుకునే అల్పాహారం, ఇది ఎంతో ఆరోగ్యకరమైనది. 

రాగి రవ్వతో ఉప్మా చేసుకుంటే అది మరింత ఆరోగ్యకరమైన అల్పాహారంగా మారుతుంది. రోగాలను నయం చేసి ఎముకలు పటిస్టంగా ఉండేందుకు దోహద పడుతుంది.  

రాగిమాల్ట్ తాగితే ఎన్ని ఉపయోగాయో.. దానికంటే ఎక్కువగా రాగిఉప్మాతింటే అంత ఉపయోగం అన్నమాట. 

కొంతమంది దీన్ని తాయారు చేసేందుకు కష్టాలు పడుతుంటారు. 

మీరు అంతకష్టపడాల్సిన అవసరం కూడా లేకుండా రాగిఉప్మాకు సంబంధించిన రెడీమేట్‌ ప్యాకెట్లు కూడా షాపుల్లో లభిస్తున్నాయి.