టమాటా లేనిదే.. చాలా మంది వంట పూర్తికాదంటే అతిశయోక్తి కాదు. టమాటా పచ్చడి, కూర, సూప్‌, పప్పు, జ్యూస్‌.. ఇలా చాలా రకాల వంటలు తయారుచేసుకోవచ్చు.
వేరే కూరగాయలతో కలిపి వండి.. చక్కగా ఇమిడిపోతుంది. అందుకే.. వంటల్లో టమాటా ఎక్కువగా వాడుతూ ఉంటారు. దీనిలో పోషకాలూ సమృద్ధిగా ఉంటాయి.
శరీరానికి అవసమైన ప్రొటీన్లు, కార్బోహైడ్రేట్, సహజ చక్కెర, ఫైబర్, కాల్షియం, మెగ్నీషియం, పొటాషియం, సోడియం, ఐరన్, ఫాస్పరస్, విటమిన్ ఎ, ఇ, సి, బి6, రిబోఫ్లావిన్‌ వంటి పోషకాలు పుష్కలంగా ఉంటాయి.
మీరెప్పుడైనా డ్రై టమాటాల గురించి విన్నారా..? ఈ మధ్యకాలంలో మార్కెట్లో డ్రై టమాటాలు కూడా కనిపిస్తున్నాయి. వీటిని కూరల్లో, పిజ్జా, శాండ్‌విచ్ వంటి వాటిలో ఉపయోగించవచ్చు.
న్యూట్రిషన్ వాల్యూ ఆర్గనైజేషన్ నివేదిక ప్రకారం, డ్రై టమాటాలలో (ఎండిన టమాటాలు) అనేక పోషకాలు ఉన్నాయి. వీటిలో విటమిన్ సి, విటమిన్ కె, నియాసిన్, మాంగనీస్, పొటాషియం, కాపర్, ప్రొటీన్, ఫైబర్ వంటి పోషకాలు మెండుగా ఉంటాయి.
డ్రై టమాటాలు.. మన డైట్‌లో చేర్చుకుంటే.. ఆరోగ్యానికి ఎంతో మేలు జరుగుతుందని నిపుణులు చెబుతున్నారు.
డ్రై టమోటాలలో విటమిన్ సి పుష్కలంగా ఉంటుంది. విటమిన్ ‘సి’లో యాంటీ ఆక్సిడెంట్లు మెండుగా ఉంటాయి. ఇది తీవ్రమై ఇన్ఫెక్షన్ల నుంచి రక్షణ కల్పిస్తుంది. న్యుమోనియా, ఊపిరితిత్తుల ఇన్ఫెక్షన్లు వచ్చే ముప్పు తగ్గుతుంది.
ఇమ్యూనిటీ తక్కువగా ఉన్నవారు.. విటమిన్ సీ తీసుకుంటే.. మంచిది. టొమాటోలో లైకోపీన్ అనే యాంటీ ఆక్సిడెంట్ ఉంటుంది. ఇది రోగనిరోధక వ్యవస్థ పనితీరును మెరుగుపరచడంలో కీలక పాత్ర పోషిస్తుంది.
హైపర్‌టెన్షన్‌ కారణంగా గుండె సమస్యలు, గుండె పోటు, కిడ్నీ వ్యాధులు, గుండె పోటు వంచి సమస్యలు వచ్చే ప్రమాదం ఉంది. దీనిని సైలెంట్‌ కిల్లర్‌ అని కూడా పిలుస్తారు.
డ్రై టమాటాలు హైపర్‌టెన్షన్‌ను తగ్గించడంలో సహాయపడతాయి. టమాటాలో పొటాషియం సమృద్ధిగా ఉంటుంది. పొటాషియం.. అధిక రక్తపోటను తగ్గిస్తుంది.
ఒక సర్వింగ్‌ డ్రై టమాటాలు తీసుకుంటే.. రోజుకు కావలసిన.. కాల్షియంలో 6 శాతం, మెగ్నీషియం 25 శాతం అందుతుంది. ఇది గుండె ఆరోగ్యానికి మేలు చేస్తుంది.
కాల్షియం ఎముకల దృఢంగా ఉండటానికి సహాయపడుతుంది.. ఇది గుండె కండరాలను కూడా బలపరుస్తుంది. మెగ్నీషియం హార్ట్‌ బీట్‌ సరిగ్గా ఉండేలా చూస్తుంది.
కేవలం 100 గ్రాముల డ్రై టమాటాలో రోజువారీ సిఫార్సు చేసిన డైటరీ ఫైబర్‌లో 40 శాతం ఉంటుంది. దీనిలో కరిగే, కరగని ఫైబర్ రెండూ ఉంటాయి. ఇది జీర్ణవ్యవస్థను బలపరుస్తుంది. మలబద్ధకం, అజీర్తి, గ్యాస్ట్రిక్‌ వంటి సమస్యలను దూరం చేస్తుంది.
టొమాటోలో లైకోపీన్ అనే యాంటీ ఆక్సిడెంట్ ఉంటుంది. ఇది శరీర కణాల్ని డ్యామేజ్ చేసే ఫ్రీరాడికల్స్‌తో పోరాడే శక్తి లైకోపీన్ సొంతం. ఇది ప్రోస్ట్రేట్, సర్వికల్, నోరు, గొంతు ఇలా అనేక రకాల క్యాన్సర్ ప్రమాదాలు ఇది తగ్గిస్తుంది.