వేసవిలో ఫోన్ బాగా వేడెక్కుతుంది. ఈ నేపథ్యంలో తీసుకోవాల్సిన జాగ్రత్తలు. బ్యాటరీ సేవింగ్స్‌ టిప్స్‌ ఇవే..
ఎండలో స్మార్ట్‌ఫోన్ ఉపయోగిస్తే వేడెక్కుతుంది. సూర్యకాంతి మొబైల్‌పై నేరుగా పడకుండా జాగ్రత్తలు తీసుకోవాలి.
ఒకవేళ కంపెనీ ఛార్జర్లు పాడైతే అదే కంపెనీకి చెందిన ఒరిజినల్‌ ఛార్జర్లను మాత్రమే కొనుగోలు చేయాలి.
డ్యామేజ్‌ అయిన స్మార్ట్‌ఫోన్లు వేగంగా వేడెక్కి, పేలిపోయే అవకాశం ఎక్కువగా ఉంటుందట.
చాలా మంది నిద్రపోయే ముందు ఫోన్ ఛార్జింగ్‌ పెటడుతుంటారు. రాత్రంతా ఛార్జ్‌ పెట్టి, ఉదయాన్నే లేచాక తీసేస్తారు.
గంటలు గంటలు ఫోన్ ఛార్జ్‌ పెడితే ఫోన్ బ్యాటరీ సామర్థ్యం దెబ్బతింటుంది. అలాగే ఫోన్ కూడా వేడెక్కుతుంది.
కొంతమంది బ్లూటూత్‌, లోకేషన్‌ సర్వీసెస్‌ వంటి ఫీచర్లు ఎల్లప్పుడూ ఆన్‌లోనే ఉంచుతారు.
అవసరం లేనపుడు ఈ ఆప్షన్లను టర్నాఫ్‌ చేయడమే మంచిది.. లేదంటే ఫోన్‌పై ఎక్కువ లోడ్‌ పడుతుంది.
స్మార్ట్‌ఫోన్ స్క్రీన్‌ బ్రైట్‌నెస్ కూడా బ్యాటరీ సామర్థ్యాన్ని దెబ్బతీస్తుంది. వీలైనంత వరకు దీన్ని తక్కువలో ఉంచడమే మంచిది.
ఈ టిప్స్‌తోపాటు మొబైల్‌లో వాడని యాప్స్‌ను వెంటనే డిలీట్ చేయాలి.
ఆ యాప్స్‌ను ఉపయోగించకపోయినా బ్యాగ్రౌండ్‌లో రన్‌ అవుతూ ఉంటాయి. బ్యాటరీ సామర్థ్యం తగ్గుతుంది.