17న శివాజీరాజా తనయుడి ‘జెమ్’

సీనియర్ నటుడు శివాజీ రాజా తనయుడు విజయ్ రాజా, రాశీ సింగ్, నక్షత్ర హీరో హీరోయిన్లుగా నటించిన సినిమా ‘జెమ్’. ఈ చిత్రాన్ని సుశీల సుబ్రహ్మణ్యం దర్శకత్వంలో పత్తికొండ కుమార స్వామి నిర్మించారు. అన్ని కార్యక్రమాలు పూర్తిచేసుకున్న ‘జెమ్’ చిత్రం ఈ నెల 17న థియేటర్ల ద్వారా ప్రేక్షకుల ముందుకొస్తోంది. ఈ సందర్భంగా సుశీల సుబ్రహ్మణ్యం మాట్లాడుతూ, ‘జెమ్ మూవీని యాక్షన్ ఎంటర్ టైనర్ గా రూపొందించాం. ప్రేక్షకులకు నచ్చుతుందనే నమ్మకం ఉంది. సునీల్ కశ్యప్ మ్యూజిక్, ఆండ్రూ సినిమాటోగ్రఫీ ఆకట్టుకుంటాయి. విజయ్ రాజా యాక్టింగ్ హైలైట్ గా నిలుస్తుంది. నక్షత్ర, రాశీ సింగ్ ఇద్దరూ బాగా నటించారు” అని చెప్పారు.

Read Also : ‘సూరారై పోట్రు’ హిందీ రీమేక్ కు తొలగిన అడ్డంకి

హీరో విజయ్ రాజా మాట్లాడుతూ, ” ‘జెమ్’ సినిమాకు బ్యాక్ బోన్ టెక్నీషియన్స్ అని చెప్పాలి. అలాగే అజయ్, సంపూర్ణేష్ బాబు, రచ్చ రవి లాంటి ఆర్టిస్టులు మా చిత్రంలో నటించి, ప్రత్యేక ఆకర్షణగా నిలిచారు. వాళ్లందరికీ థాంక్స్” అని అన్నారు. హీరోయిన్ రాశీ సింగ్ మాట్లాడుతూ, ”నాకు ఈ సినిమాతో మంచి ఎక్స్ పీరియన్స్ ఉంది. ఎన్నో విషయాలు నేర్చుకున్నాను. ‘శశి’, ‘జెమ్’ నా కెరీర్ లో ఒకేసారి ప్రారంభమైన చిత్రాలు. ‘జెమ్’ సినిమా షూటింగ్ టైమ్ ను బాగా ఎంజాయ్ చేశాను. విజయ్ బాగా ఫైట్స్, డాన్సులు చేశాడు. లవ్, రొమాన్స్, యాక్షన్, కామెడీ అన్నీ అంశాలు ఉన్న చిత్రమిది. లాక్ డౌన్ తర్వాత ప్రేక్షకులు కోరుకునే సినిమా ‘జెమ్’ అవుతుంది” అని తెలిపారు.

Related Articles

Latest Articles

-Advertisement-